ගල්කිස්ස, වටරප්පල ප්‍රදේශයේ නිවසක ඊයේ (07) සිදුකළ වෙඩි තැබීමේ සිද්ධියේ වෙඩික්කරුවන් පැමිණි බවට සැක කෙරෙන යතුරුපැදිය සොයාගෙන තිබෙනවා.
හොරණ, මුණගම ප්‍රදේශයේ අතුරු මාර්ගයක දමා ගොස් තිබියදී ඊයේ (07) රාත්‍රියේ මෙම යතුරුපැදිය සොයාගත් බවයි පොලිසිය සඳහන් කළේ.
සොයාගත් යතුරුපැදියේ ලියාපදිංචි අංකය සම්බන්ධයෙන් සිදුකළ මූලික විමර්ශනවලදී එම යතුරුපැදිය අපරාධයට සම්බන්ධ බවටයි අනාවරණය කරගෙන ඇත්තේ.
සිදුකළ විමර්ශනවලදී අනාවරණය වී ඇත්තේ වෙඩි තැබීමෙන් අනතුරුව වෙඩික්කරුවන් පැය එකහමාරත් දෙකත් අතර කාලයක් තුළ යතුරුපැදිය එම ස්ථානයේ දමාගොස් ඇති බවයි.
යතුරුපැදිය එම ස්ථානයේ දමා ගිය පුද්ගලයින් හඳුනාගැනීම සඳහා ආරක්‍ෂිත කැමරා දර්ශන ඔස්සේ පොලිසිය විමර්ශන අරඹා තිබෙනවා.
ඊයේ (07) අලුයම් කාලයේ සිදුකළ මෙම වෙඩි තැබීමෙන් පුද්ගලයින් දෙදෙනෙක් ජීවිතක්ෂයට පත් වුණා.
වයස අවුරුදු 36ක සහ අවුරුදු 20ක පුද්ගලයින් දෙදෙනෙක් මෙලෙස ජීවිතක්ෂයට පත් වූ බවයි පොලිසිය සඳහන් කළේ.
