පොලිස්පතිට කියන්න (TEEL IGP) සහ I need සේවාවන් නව මුහුණුවරකින් එළිදැක්වීමට පොලිසිය කටයුතු කර තිබෙනවා.
ඒ, අනුව නවීකරණය කළ එම සේවාව එළිදැක්වීම අද (06) වැඩ බලන පොලිස්පති ප්රියන්ත විජේසූරියගේ ප්රධානත්වයෙන් සිදුකළ බවයි පොලිසිය නිවේදනය කළේ.
www.police.lk නිල වෙබ් අඩවිය මඟින් සහ E- services ඔස්සේ TEEL IGP සහ I need සේවාව වෙත පිවිසිය හැකි අතර, එමඟින් පැය 24 පුරා පැමිණිලි කිරීමේ හැකියාව පවතිනවා.
TEEL IGP සේවාව මඟින් පොලිස්පතිවරයාගේ සෘජු අවදානයට යොමුකළ යුතු කරුණු, පොලිස් ස්ථාන මඟින් විමර්ශනය සිදුනොවන පැමිණිලි, පොලිස් නිලධාරීන් සිදුකර වැරදි වැනි පැමිණිලි සිදුකළ හැකි වනවා.
එමෙන්ම I need සේවාව ඔස්සේ ජංගම දුරකථනයක් අස්ථාන ගත වූ අවස්ථාවක පොලිසියට නොගොස් මාර්ගගත ක්රමය ඔස්සේ පැමිණිලි කිරීමේ හැකියාව පවතින අතරම, අස්ථාන ගත වූ ජංගම දුරකථනය යම් අයෙක් විසින් පාවිච්චි කරයි නම් ඒ පිළිබඳව පැමිණිලිකරු වෙත දැනුම්දීම සිදුකරනු ලබනවා.
