දකුණු කොරියාවේ හිටපු ජනාධිපති යූන් – සුක් – යොල් අත් අඩංගුවට ගැනීම අසාර්ථක වී තිබෙනවා.
එරට පොලිසියෙන් යූන් සුක් අත්අඩංගුවට ගැනීම සඳහා පැමිණි අවස්ථාවේ දී සුක් මහතාගේ ආධාරකරුවන් සහ ආරක්ෂකයින් ඊට ඉඩ ලබා නොදීමත් සමග උණුසුම් තත්ත්වයක් ද හට ගැනුණු බවයි විදෙස් මාධ්‍ය වාර්තා කළේ.
හිටපු දකුණු කොරියානු ජනාධිපතිවරයාගේ සමීපතමයින් කඳවුරු බැඳගෙන ඔහුට ආරක්ෂාව ලබා දී ඇති බවයි වාර්තා වන්නේ.
යූන් – සුක් රැඳී සිටින ඔහුගේ නිවස වෙත පොලිස් නිලධාරීන් ගිය ද එම දොරවල් සියල්ල ම මුද්‍රා තබා අගුලු ලා තිබෙනවා.
හිටපු ජනාධිපතිවරයාගේ ආරක්ෂකයින් කිසිසේත් ම දකුණු කොරියානු පොලිසියට මන්දිරය වෙත ඇතුල් වීමට ඉඩ ලබා දී නැහැ.
පොලිසිය සහ යුන්ගේ ආරක්ෂක නිලධාරීන් අතර ගුටිබැට හුවමාරුවක් වූ අතර දකුණු කොරියානු පොලිසිය හිටපු ජනාධිපතිවරයා ව අත්අඩංගුවට ගැනීම නිෂ්ඵල බව සලකා අතහැර දමා තිබෙනවා.
සති තුනකට පෙර යූන් දෝෂාභියෝගයකට ලක් ව ඉවත් කෙරුණු අතර ඔහුට විරුද්ධ ව වරෙන්තුවක් ද තිබීම අත්අඩංගුවට ගැනීමට එරට පොලිසිය ක්‍රියාත්මක වීම හේතුවයි.
