ඊයේ (29) පෙරවරු 6.00 සිට අද (30) පෙරවරු 6.00 දක්වා පැය 24ක කාලය තුළ සිදුකළ විශේෂ රථවාහන මෙහෙයුමේ දී බීමත් රියදුරන් 413 දෙනෙක්ට නීතිය ක්රියාත්මක කළ බව පොලිසිය පවසනවා.
ඊට අමතරව අපරික්ෂාකාරී ලෙස රිය පැදවූ රියදුරන් 49 දෙනෙක් සහ මාර්ග නීති උල්ලංඝනය කිරීම් සම්බන්ධ රියදුරන් 1086 කට ද නීතිය ක්රියාත්මක කර ඇති බවයි වාර්තා වුණේ.
ඊට අමතරව අධික වේගයෙන් රිය ධාවනය කළ රියදුරන් 110ක්, බලපත්ර වැරදි සම්බන්ධ රියදුරන් 694ක් සහ වෙනත් වැරදි සම්බන්ධ රියදුරන් 5324කට එරෙහිව ද එම කාල සීමාව තුළ නීතිය ක්රියාත්මක කර තිබෙනවා.
ඒ, අනුව එම පැය 24ක කාලය තුළ සමස්ථ රථවාහන වැරදි සම්බන්ධයෙන් රියදුරන් 7676කට එරෙහිව නීතිය ක්රියාත්මක කළ බවයි පොලිසිය වැඩිදුරටත් සඳහන් කළේ.
උත්සව සමයේ රථවාහන අනතුරු අවමකර ගැනීමේ අරමුණින් වැඩබලන පොලිස්පතිවරයාගේ උපදෙස් පරිදි මෙම විශේෂ රථවාහන මෙහෙයුම ක්රියාත්මක කෙරෙනවා.
