ශ්රී ලංකා ප්රජාතාන්ත්රික සමාජවාදී ජනරජයේ සිටි ජනාධිපතිනියක වන චන්ද්රිකා බණ්ඩාරනායක කුමාරතුංග මහත්මිය ඉලක්ක කරගනිමින් එල්ල වූ මරාගෙන මැරෙන ත්රස්ත බෝම්බ ප්රහාරයට අද දිනට (18) 25 වසරක් සපිරෙනවා.
මේ නිමිත්තෙන් හිටපු ජනාධිපතිනිය විසින් මහරගම ඉන්දිරා පිළිකා පදනම වෙත ආධාර පිරිනැමීම ද සිදු කෙරුණා.
බෝම්බය පිපිරූ අවස්ථාවේ දී හිටපු ජනාධිපතිනියගේ දකුණු ඇසට බරපතළ හානි සිදු වීමෙන් එය අදටත් අන්ධභාවයට පත් ව තිබෙනවා.
එම බෝම්බ ප්රහාරයෙන් හිටපු ජනාධිපතිනියට ආරක්ෂාව සැපයූ ආරක්ෂකයින් සයදෙනෙකුට ද ජීවිතය අහිමි වුණා.
මෙම විශේෂ පිංකම සඳහා අද දිනයේ දී එම ප්රහාරයෙන් මියගිය ආරක්ෂකයින්ගේ පවුල්වල සාමාජිකයින් ද එක් ව සිටියා.
තමාගේ ජීවිතය බේරාගැනීමට සිය ජීවිතය කැප කළ වීරෝදාර රණවිරුවන් සහ ආරක්ෂකයින් හට සිය ගෞරවය සහ උත්තමාචාරය සෑම විටම පිරිනමන බවයි මෙම විශේෂ අවස්ථාවට එක්වෙමින් හිටපු ජනාධිපතිනිය පැවසුවේ.
තමන් මේ වනවිට දේශපාලනයෙන් මුළුමනින් ම විශ්රාම ගොස් ඇති බවත්; රටේ අනාගත දරුවන්ගේ අධ්යාපනය වෙනුවෙන් තම පදනම හරහා විශාල සේවාවක් කරමින් කටයුතු කරන බවත් හිටපු ජනාධිපතිනිය වැඩිදුරටත් සඳහන් කළා.
මෙම අවස්ථාවට හිටපු කතානායකවරයෙකු මෙන් ම ජ්යෙෂ්ඨ දේශපාලනඥයෙකු වන කරු ජයසූරිය මහතා ද එක් ව සිටියා.
wpDiscuz
