ආනයනික සහල් මෙට්‍රික් ටොන් 8,000කට ආසන්න ප්‍රමාණයක් වෙළෙඳපොළට නිකුත් කර ඇති බව වෙළෙඳ, වාණිජ, ආහාර සුරක්ෂිතතාව සහ සමුපකාර සංවර්ධන අමාත්‍ය වසන්ත සමරසිංහ පවසනවා.
විවෘත ටෙන්ඩර් මඟින් ආනයනය කරන ලද එම සහල් වෙළෙඳපොළ ඉල්ලුමට සරිලන පරිදි බෙදා හැර ඇති බවයි අමාත්‍යවරයා සඳහන් කළේ.
ආනයනය කරන ලද සහල් තොග පිළිබඳව පූර්ණ පරීක්‍ෂණයක් සිදුකරන ලෙස සියලු දෙපාර්තමේන්තුවලට උපදෙස් දී ඇති බව ද අමාත්‍යවරයා පැවසුවා.
සැපයුම්කරුවෙකු විසින් ආනයනය කරන ලද සහල් කන්ටේනර් 75න් 03ක ප්‍රමිතියෙන් තොර සහල් තිබී ඇති බව ද ඔහු අනාවරණය කළා.
මේ අතර සතොස සහ ශ්‍රී ලංකා රාජ්‍ය වෙළඳ සංස්ථාව හරහා දෙසැම්බර් 20 වැනිදායින් පසු සහල් ආනයනය කරන බව ද අමාත්‍යවරයා වැඩිදුරටත් පැවසුවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
