දිවයිනේ ප්රදේශ කිහිපයක ව්යාප්තව පැවති අප්රිකානු සූකර උණ රෝගය යම් මට්ටමකින් පාලනය කර ඇති බව රජයේ පශු වෛද්ය නිලධාරීන්ගේ සංගමය සඳහන් කරනවා.
මේ සමඟ රෝගය වැළඳී නොමැති ගොවිපළවල මස් නිවැරදි ක්රමවේදයක් ඔස්සේ මිනිස් පාරිභෝජනය සඳහා යොමු කිරීමට පියවර ගන්නා බවයි එම සංගමය පැවසුවේ.
බස්නාහිර පළාතේ, ගම්පහ දිස්ත්රික්කයෙන් පළමුවරට ඌරන් ආශ්රිතව මෙම රෝගය පැතිරීම ආරම්භ වූ අතර, පසුව එය දිවයිනේ ප්රදේශ කිහිපයකටම ව්යාප්ත වුණා.
මේ හේතුවෙන් පළාත් අතර ඌරන් සහ ඌරු මස් ප්රවාහනය තහනම් කිරීමටයි රජය කටයුතු කළේ.
ඊට අමතරව ඌරු මස් අලෙවිය ද තහනම් කෙරුණා.
මේ අතර මෙම උණ රෝගය වැළඳී ඌරන් රැසක් මියයාම හේතුවෙන් ගොවිපොළ රැසක් වැසීගොස් තිබෙනවා.
මෙවැනි තත්ත්වයක එම ගොවිපොළ හිමියන් පවසන්නේ ව්යාපාර යළි ගොඩනඟා ගැනීම සඳහා වන්දි මුදලක් ලබාදීමට රජයෙන් කටයුතු කළ යුතු බවයි.
