නව ප්‍රජාතන්ත්‍රවාදී පෙරමුණ ජාතික ලැයිස්තු මන්ත්‍රී ධුරයක් සඳහා නම් කළ රවී කරුණානායකගේ නිවසට මේ වනවිට පොලිස් ආරක්ෂාව යොදවා තිබෙනවා.
ඒ, ගෑස් සිලින්ඩරය ලකුණින් තරග කළ නව ප්‍රජාතන්ත්‍රවාදී පෙරමුණට හිමිව ඇති ජාතික ලැයිස්තු මන්ත්‍රී ධුර දෙක සම්බන්ධයෙන් මතුව ඇති අර්බුදකාරී තත්ත්වයත් සමඟයි.
සන්ධානගතව තරග කළ පාර්ශ්වයන්ගේ අනුමැතියකින් තොරව නව ප්‍රජාතන්ත්‍රවාදී පෙරමුණ ජාතික ලැයිස්තු මන්ත්‍රී ධුරයක් සඳහා රවී කරුණානායකගෙන් නම; පක්ෂයේ ලේකම් ශ්‍යාමිලා පෙරේරා විසින් මැතිවරණ කොමිෂන් සභාව වෙත ඊයේ (18) යවා තිබුණා.
එම දැනුම්දීම මත මැතිවරණ කොමිෂන් සභාව විසින් ඔහුගේ නම ජාතික ලැයිස්තු මන්ත්‍රීවරයෙක් ලෙස මේ වනවිට ගැසට් පත්‍රයක් මඟින් ප්‍රකාශයට පත්කර තිබෙනවා.
මෙම තත්ත්වයත් සමඟ රවී කරුණානායගේ නිවසට පාක්ෂිකයින් විසින් කිසියම් ප්‍රහාරයක් එල්ල කරයි යන්න සැකය මතයි මෙලෙස පොලිස් ආරක්ෂාව යොදවා ඇත්තේ.
wpDiscuz
