දිලිත් ජාතික ලැයිස්තුවෙන් පාර්ලිමේන්තුවට

සර්ව ජන බලය පක්ෂයේ ජාතික ලැයිස්තු මන්ත්‍රී ධුරයට එහි නායක දිලිත් ජයවීර නම්කර ඇති බව වාර්තා වනවා.

මෙවර පාර්ලිමේන්තු මැතිවරණයට දිලිත් ජයවීර ගම්පහ දිස්ත්‍රික්කයෙන් තරග වැදුණා.

එහිදී සර්වජන බලය පක්ෂයට ගම්පහ දිස්ත්‍රික්කයෙන් ලබාගත හැකි වුයේ ඡන්ද 25,939ක් පමණයි.

එම පක්ෂය මෙවර පාර්ලිමේන්තු මහ මැතිවරණයේ දී ඡන්ද 178,006ක ඡන්ද ප්‍රමාණයක් ලබාගැනීමට සමත් වුණා.

ඒ, අනුව එම පක්ෂය සඳහා එක් ජාතික ලැයිස්තු මන්ත්‍රී ධුරයක් හිමිව තිබෙනවා.