10 වන පාර්ලිමේන්තුවට තේරී පත්වූ මන්ත්රීවරුන් 225 දෙනා ලියාපදිංචි කිරීමට අදාළ කටයුතු හෙට (17) සිට ආරම්භ කරන බව ශ්රී ලංකා පාර්ලිමේන්තුව පවසනවා.
මාර්ග ගත ක්රමය ඔස්සේ මෙම ලියාපදිංචි කිරීමේ කටයුතු සිදුකරන බවයි ශ්රී ලංකා පාර්ලිමේන්තුවේ ව්යවස්ථාදායක සේවා අධ්යක්ෂ ජයලත් පෙරේරා මහතා සඳහන් කළේ.
මේ අතර ලබන 19 සහ 20 යන දෙදින තුළ නවක මන්ත්රීවරුන් වෙනුවෙන් විශේෂ තොරතුරු කවුළුවක් පාර්ලිමේන්තුවේ පුස්තකාල පරිශ්රයේ ක්රියාත්මක කරන බව ද ඒ මහතා පැවසුවා.
මේ අතර අලුතින් තේරී පත්වූ නවක මන්ත්රීවරුන්ට පාර්ලිමේන්තු කටයුතු පිළිබඳව සහ පාර්ලිමේන්තු සම්ප්රදායන් පිළිබඳව දින 03ක වැඩමුළුවක් පැවැත්වීමට ද නියමිතයි.
මෙම තෙදින වැඩමුළුව ලබන 25,26 සහ 27 යන දිනයන්වල දී පැවැත්වීමටයි කටයුතු කර ඇත්තේ.
10 වන පාර්ලිමේන්තුව ලබන 21 වනදා පෙරවරු 10.00ට රැස්වීමට නියමිතයි.
