සුනඛයා නිසා අවසන් ගමන් ගිය නිමේෂා

තරුණ යුවළක් ගමන් ගත් යතුරු පැදියක සුනඛයෙකු ගැටී සිදු වූ අනතුරින් තරුණිය මියගොස් තරුණයා බරපතළ තුවාල ලබා ඇතැයි වැලිපැන්න පොලිසිය පවසනවා.

අනතුරින් මියගොස් ඇත්තේ ඉත්තෑපාන ප‍්‍රදේශයේ පදිංචි නිමේෂා හංසනී නැමැති නමැති 18 හැවිරිදි තරුණියක්.

මෙම අනතුර සිදුව තිබෙන්නේ කෝපියවත්ත පරෙයිගම මාර්ගයේ කෝපියවත්ත උතුම්ගම ප්‍රදේශයේදියි.

බරපතළ තුවාල ලැබූ දෙදෙනා වෑත්තෑව දිසා රෝහලට ඇතුළත් කර ඇති අතර එහිදී තරුණිය මිය ගොස් තිබෙනවා.

මෘත දේහය නාගොඩ මහ රෝහලට රැගෙන ගොස් ඇති අතර, පශ්චාත් මරණ පරීක්ෂණයක් සිදුකිරීමට ප‍්‍රථම පිසීආර් පරීක්ෂණයකට යොමු කර ඇතැයි රෝහල් ආරංචි මාර්ග පවසනවා.