ගාල්ල කරාපිටිය ශික්ෂණ රෝහලේ පිළිකා ඒකකය වෙනුවෙන් මහල් දහයකින් සමන්විත නව ගොඩනැගිල්ලක් ඉදිකිරීම සඳහා වන අවබෝධතා ගිවිසුමට අත්සන් කිරීම අද (05) සිදු කෙරුණා.
ඒ, ශ්රී ජයවර්ධනපුර කෝට්ටේ ආරක්ෂක මූලස්ථාන සංකීර්ණයේ පිහිටි ආරක්ෂක අමාත්යාංශයේදීයි.
මෙම නව ගොඩනැගිල්ල ඉදිකිරීම සඳහා ආරක්ෂක ලේකම් විශ්රාමික එයාර් වයිස් මාර්ෂල් සම්පත් තුයියකොන්තා, සෞඛ්ය අමාත්යාංශයේ ලේකම් වෛද්ය පී.ජී. මහීපාල සහ Colours of Courage Trust (Guarantee) Limited හි මහේල ජයවර්ධන සහ ඩයන් ගෝමස් යන මහත්වරුන් අතර අත්සන් කරන ලද අවබෝධතා ගිවිසුම ප්රකාරව ශ්රී ලංකා යුධ හමුදාව විසින් ඊට අවශ්ය ශ්රම දායකත්වය නොමිලේ සැපයීමට පහසුකම් සලසනවා.
ඊට අදාළ නීතිමය ලියකියවිලිවලට අත්සන් තැබීම ද අද (05) පෙරවරුවේ ආරක්ෂක අමාත්යාංශයේ දී සිදුකරනු ලැබුවා.
මහේල ජයවර්ධනගේ සහ සෞඛ්ය අමාත්යාංශයේ අනුග්රහය යටතේ පිහිටුවන ලද Colours of Courage Trust (Guarantee) Limited පදනම මගින් මෙම ව්යාපෘතිය සඳහා අවශ්ය අරමුදල් සපයනු ලබනවා.
ආරක්ෂක අමාත්යාංශයේ හමුදා සම්බන්ධතා නිලධාරී එයාර් වයිස් මාර්ෂල් පද්මන් ද කොස්තා, නීති උපදේශක එයාර් කොමඩොර් සුරේකා ඩයස් ඇතුළු අමාත්යාංශයේ ජ්යෙෂ්ඨ නිලධාරීන්, ජ්යෙෂ්ඨ හමුදා නිලධාරීන් සහ සෞඛ්ය අමාත්යංශ නිලධාරීන් පිරිසක් ද, මෙම අවස්ථාවට එක්ව සිටියා.
