සමගි ජනබලවේගයේ හිටපු පාර්ලිමේන්තු මන්ත්‍රී මුජිබර් රහ්මාන්ගේ ගෝලයන් සිව්දෙනෙකු විසින් සිදුකරන පාර්කින් ටිකට් වංචාවක් පිළිබඳව; ස්වයං රැකියා වෙළඳ සංගමයේ සභාපති ප්‍රදීප් චාල්ස් ආනවරණයක් කළා.
ඔහු මෙම අනාවරණය සිදුකළේ එක්සත් ප්‍රජාතන්ත්‍රවාදී හඬ පක්ෂයේ අද (29) පැවති විශේෂ මාධ්‍ය හමුවක දීයි.
එහිදී ඔහු කියා සිටියේ කොළඹ නගරයේ ප්‍රසිද්ධය ස්ථානවල ඇති රථගාල්වල ගාල්කරන වාහනවලින් මොවුන් බලහත්කාරයෙන් මුදල් එකතු කරන බවයි.
කිසිඳු ටෙන්ඩර් දැමීමකින් තොරව බලහත්කාරයෙක් එකතු කරන මෙම මුදල් කොළඹ මහ නගර සභාවට නොදී පහැර හැර ඇති බවයි ඔහු මෙම මාධ්‍ය හමුවේ දී අනාවරණය කළේ.
මෙමඟින් රුපියල් කෝටි 04ක පමණ මූල්‍ය වංචාවක් සිදුකර ඇති බව සභාපති ප්‍රදීප් චාල්ස් මෙහි දී වැඩිදුරටත් පැවසුවා.
පාතාල මැර බලය යොදා සිදුකරන මෙම පාර්කින් ටිකට් වංචාව සම්බන්ධයෙන් තමන් බොරැල්ල පොලිසිය වෙත පැමිණිල්ලක් ද සිදුකර ඇති බවයි ඔහු මෙම මාධ්‍ය හමුවේ දී සඳහන් කර සිටියේ.
