චීනයේ ෂෙන්චෞ 19 නම් ගගනගාමීන් සහිත අභ්යවකාශ යානය හෙට (30) පෙරවරු 4.27 ට දියත් කිරීමට නියමිත බව චීන මාධ්ය පවසනවා.
Jiuquan චන්ද්රිකා දියත් කිරීමේ මධ්යස්ථානයේ අද (29) පැවති මාධ්ය හමුවේදී මේ බව අනාවරණ කළා.
මෙහෙයුම් මූලස්ථානයේ තීරණයට අනුව, Cai Xuzhe සහ Song Lingdong යන මහත්වරුන් මෙන්ම Wang Haoze මහත්මිය, ෂෙන්චෞ 19 අභ්යවකාශ යානයේ කාර්යමණ්ඩල ගගනගාමීන් ලෙස ක්රියාකරන බවත්, Cai Xuzhe මහතා එහි ප්රධාන අණදෙන නිළධාරියා ලෙස රාජකාරී කරනු ඇති බවත් සඳහන්.
මේ වනවිට මෙහෙයුම සඳහා අවශ්ය කටයුතු ක්රමානුකූලව සූදානම් කරමින් පවතින බවයි වාර්තා වන්නේ.
මෙම මෙහෙයුම, චීනයේ අභ්යවකාශ මධ්යස්ථාන භාවිතය සහ සංවර්ධන අදියර සඳහා වන ගගනගාමීන් සහිත සිව්වන මෙහෙයුම වන අතර, ගගනගාමීන් සහිත අභ්යවකාශ ව්යාපෘතියේ 33 වැනි මෙහෙයුම ද වනවා.
