ඉන්දියාවේ ගුජරාට ප්‍රාන්තයේ ‘සී -295 මිලිටරි ගුවන් යානා’ නිෂ්පාදනාගාරයක් ඊයේ (28) විවෘත කෙරුණා.
ඒ ඉන්දීය අග්‍රාමාත්‍ය නරේන්ද්‍ර මෝදිගේ ප්‍රධානත්වයෙන්.
අගමැතිවරයා ඊයේ ගුජරාටයේ TATA ගුවන් යානා සංකීර්ණය විවෘත කිරීම සඳහා එක් වූ බවයි විදෙස් මාධ්‍ය වාර්තා කරන්නේ.
මෙම ගුවන් යානා නිෂ්පාදන කටයුතු සඳහා ස්පාඤ්ඤ සහකරු Pedro Sanchez ද එක් ව සිටිනවා.
නව ගුවන් යානා නිෂ්පාදනාගාරය TATA Advanced Systems Limited (TASL) හි ඉදිකර ඇති බවයි පැවසෙන්නේ.
C-295 වැඩසටහන යටතේ මුළු ගුවන් යානා 56 ක් පවතින අතර, ඉන් 16 ක් ස්පාඤ්ඤයේ සිට එයාර්බස් මගින් සෘජුවම ලබාදෙනවා.
ඉතිරි ගුවන් යානා 40 ඉන්දියාවේ නිෂ්පාදනය කිරීමට නියමිතයි.
