පසුගිය ජනාධිපතිවරණ සමයේ දී හිටපු ජනාධිපති රනිල් වික්‍රමසිංහ විසින් සිදු කරන ලද ජනතාව මුලා කිරීමේ කුමන්ත්‍රණය ගැන වත්මන් අගමැතිනි ආචාර්‍ය හරිනි අමරසුරිය මහත්මිය ප්‍රබල පැහැදිලි කිරීමක් සිදු කර තිබෙනවා.
ඇය පවසන්නේ රාජ්‍ය සේවකයින්ගේ වැටුප් ඉහළ දැමීම සඳහා පසුගිය රාජ්‍ය පාලන සමයේ හැකියාවක් නොතිබූ බවත්; එය නිසි ක්‍රමවේදයක් මත සිදු කළ යුත්තක් මිසෙක නින්දෙන් ඇහැරුණු විට ගෙන ක්‍රියාත්මක කළ හැකි තීරණයක් නොවන බවයි.
මැතිවරණ සමයේ දී ජනතාව මුලා කරමින් වැටුප් වැඩි කිරීමට කැබිනට් මණ්ඩලය තීරණය කළ බවට හිටපු ජනාධිපති රනිල් වික්‍රමසිංහ මහතා ප්‍රකාශ කළා.
නමුත් මේ පිළිබඳව විමසා බැලීමේ දී ඒ සම්බන්ධයෙන් කිසිදු සාකච්ඡාවක් හෝ තීරණයක් රජය හා මහා භාණ්ඩාගාරය අතර සිදු නොවූ බවයි භාණ්ඩාගාරය විසින් දැනුම්දී ඇත්තේ.
එබැවින් මෙවැනි ජනතාව මුලා කරන තීන්දු හිටපු ජනාධිපති රනිල් වික්‍රමසිංහ මහතා සිදු කළ බවත්; ඔහු එය මැනවින් දැනගෙන සිදු කළ ක්‍රියාවක් බවටත් අග්‍රාමාත්‍ය හරිනි අමරසූරිය මහත්මිය වැඩිදුරටත් ප්‍රකාශ කළා.
