හෝටලයකින් රැගෙන ආ බිරියානි ආහාරයට ගැනීමෙන් ඇති වූ අසනීප තත්ත්වයක් හේතුවෙන් පාසල් දැරියක් අවාසනාවන්ත ලෙස ජීවිතක්ෂයට පත් වූ පුවතක් වාර්තා වනවා.
ගිරිඋල්ල, හේන්යාය ප්රදේශයෙන් මෙම අවාසනාවන්ත සිදුවීම වාර්තා වන අතර, මෙලෙස ජීවිතක්ෂයට පත්ව ඇත්තේ වයස අවුරුදු 15ක සිසුවියක්.
රාත්රී ආහාරය සඳහා දැරියගේ නිවසට හෝටලයකින් බිරියානි පාර්සල් දෙකක් රැගෙනවිත් ඇති අතර, දැරිය එම බිරියානි ආහාරය ගෙන තිබෙනවා.
දැරිය සමඟ ඇයගේ සහෝදරයා, සහෝදරිය සහ සහෝදරයාගේ මිතුරෙක් ද ඒවා ආහාරයට ගෙන ඇති බවයි ගිරිඋල්ල පොලිසිය සඳහන් කළේ.
බිරියානි ආහාරය ගැනීමෙන් පසු දැරිය හදිසියේ රෝගී වී ඇති අතර, එහිදී ඇයව දඹදෙණිය රෝහලට ඇතුළත් කිරීමෙන් පසු ජීවිතක්ෂයට පත්ව තිබෙනවා.
මියගිය දැරියගේ මෘත දේහය සම්බන්ධයෙන්වන පශ්චාත් මරණ පරීක්ෂණය කුරුණෑගල මහ රෝහලේ දී පෙරේදා (24) සිදුකර ඇති අතර, එහිදී හෙළි වී ඇත්තේ අසාත්මිකතාවයක් හේතුවෙන් අභ්යන්තර ඉන්ද්රියන්වලට හානි සිදු වී මෙම මරණය සිදුව ඇති බවයි.
