ශ්‍රී ලංකා වරාය අධිකාරියේ හිටපු සභාපති ප්‍රියත් බන්දු වික්‍රමරත්න ඇතුළු විත්තිකරුවන් තිදෙනෙකුට එරෙහිව ගොනු කර ඇති අධිචෝදනා පත්‍රය ඉදිරි නඩු දිනයට පෙර සංශෝධනයට ලක් නොකරන්නේ නම්; අධිකරණය එම විත්තිකරුවන් ව නිදහස් කිරීමට කටයුතු කරන බවට දැනුම්දී තිබෙනවා.
අද (25) මෙකී නඩුව කැඳවූ අවස්ථාවේ දී කොළඹ ප්‍රධාන මහාධිකරණ විනිසුරු ආදිත්‍ය පටබැඳිගේ මහතා පැමිණිලිකාර පාර්ශ්වය වන අල්ලස් හෝ දූෂණ විමර්ශන කොමිෂන් සභාව වෙනුවෙන් පෙනී සිටි නියෝජ්‍ය අධ්‍යක්ෂ ජනරාල් අසිත ඇන්තනී මහතාට මේ සම්බන්ධයෙන් තරයේ අවවාද කළා.
විත්තිකරුවන්ට එරෙහිව ඇති පැමිණිල්ල යටතේ අධිචෝදනා පත්‍රයේ සඳහන් ඇතැම් කරුණු සංශෝධනය කර ඉදිරිපත් කරන ලෙසට තම අධිකරණය දැනුම්දුන්න ද; නියෝජ්‍ය අධ්‍යක්ෂ ජනරාල්වරයා එය නොසලකා ඇති බවටයි විනිසුරුවරයා ප්‍රකාශ කළේ.
එබැවින් ඉදිරි නඩු වාරයේ දී අවශ්‍ය සංශෝධන අධිචෝදනා පත්‍රයට සිදු නොකළහොත්; මෙම නඩුව තවදුරටත් පවත්වාගෙන යා නොහැකි නඩුවක් ලෙසට සලකා විත්තිකරුවන් නිදහස් කිරීමට පියවර ගන්නා බව ද මහාධිකරණ විනිසුරුවරයා දැනුම්දුන්නා.
ශ්‍රී ලංකා වරාය අධිකාරි සේවකයින් 319 දෙනෙකු ඔවුන්ගේ නිල රාජකාරිවලින් ඉවත් කර වෙනත් කටයුතු සඳහා යොදවා රජයට රුපියල් මිලියන 65ක පමණ පාඩුවක් කළ බවට එවක ශ්‍රී ලංකා වරාය අධිකාරියේ හිටපු සභාපති ප්‍රියත් බන්දු, නිහාල් කැප්පෙටිපොළ සහ චන්ද්‍රසේකර වාහන යන නිලධාරීන්ට එරෙහිව අල්ලස් හෝ දූෂණ විමර්ශන ඒකකය චෝදනා ගොනු කර තිබුණා.
අල්ලස් එකත් අල්ලස් අරන්ද.⭕
පසුගිය කාලෙ ඔය දෙපාර්තමේන්තුවේ ගොඩක් නඩුවල technical errors. ඔය දෙපාර්තමේන්තුවට technical odficers ලා බඳවා ගැනීමට යෝජනා කරමි.
මෙතෙක් කල් සිදුවුනෙ පවතින රජයේ දේශපාලකයන්ගේ අවශ්‍යතාවය මත හෝ හිතවත්කම් මත නඩු ලිපිගොනු සකසා අධිකරනයට ඉදිරිපත් කිරිමයි. ඒ අනුව විත්ති පාර්ශවයේ නීතීඥ්ඤයන්ගේ දක්ෂතාවය මත හා රජයේ පාර්ශවයේ සාක්ෂිවල පරස්පරය මත විනිසුරුවරුන්ට නිවැරදි තීන්දු දීමට හැකියාවක් නැත. ඒ අනුව වැරදි කරුවන් නිදහස්වේ.
වර්තමාන පාලනයේදි දේශපාලන අතපෙවීම් හා හිතවත්කම් මත නඩු ලිපි ගොනු නොසැකසේ නම් වරදකරුවන්ට නිසි දඬුවම් ලබාදිය හැක. එමෙන්ම නිවැරදිව නඩු ලිපිගොනු සකස් නොකරන නිළධාරින්ට විරුද්ධව අවශ්‍යය කටයුතු කල හැක.
නිලධාරී වාදය
මෙවැනි කරුණු මත විත්තිකරුවන් නිදහස් කරනවා නම් විත්තිකරුවන්ට ලබාදීමට නියමිත දඬුවම අල්ලස් කොමිසමේ නඩුව ඉදිරිපත් කරන නිලධාරීන්ට ලබාදීමට හැකිවන පරිදි නීති සංශෝධනය කළ යුතුයි.