උතුරු කොරියාව සමග ආරක්ෂක ගිවිසුමක් අත්සන් කිරීමට රුසියාව ගත් පියවර දකුණු කොරියාව තරයේ හෙළා දැක තිබෙනවා.
අල් ජසීරා පුවත් සේවය වාර්තා කරන්නේ; වහාම ක්රියාත්මක වන පරිදි රුසියාවෙන් උතුරු කොරියානු හමුදා හැකි ඉක්මනින් ඉවත් කරගන්නා ලෙසට දකුණු කොරියානු අගනගරය වන සෝල් ඉල්ලා ඇති බවයි.
යුක්රේනයට එරෙහිව යුද්ධය ක්රියාත්මක කිරීමට හමුදා සැපයූ බවට උතුරු කොරියානු රජයට දැඩි විවේචන එල්ල වී තිබෙනවා.
එවන් පසුබිමක රුසියාව සමගින් උතුරු කොරියාව මේ අයුරින් ආරක්ෂක ගිවිසුමකට එළඹීම අතිශයින් ම කනස්සලට තුඩු දී ඇති බවයි දකුණු කොරියාව නිවේදනය කරන්නේ.
රුසියානු ව්යවස්ථාදායකය වන ‘ඩුමා’ විසින් ඊයේ (24) ඒකමතිකව ඡන්දය ප්රකාශ කළේ දෙපාර්ශ්වයට ම ප්රහාර එල්ල වුවහොත් “අන්යෝන්ය සහාය” ලබාදීම සඳහා මොස්කව් සහ ප්යොංයැං වෙත පැවරෙන මෙම ගිවිසුම අනුමත කිරීමට යි.
දකුණු කොරියානු විදේශ කටයුතු අමාත්යාංශය අද (25) මෙම සිදුවීම සම්බන්ධයෙන් නිවේදනයක් නිකුත් කළා.
එහි දැක්වෙන්නේ; සෝල් නගරයෙන් උතුරු කොරියානු හමුදා වහාම ඉවත් කර ගන්නා ලෙසත් නීතිවිරෝධී සහයෝගීතාව නතර කරන ලෙසත් බවයි විදෙස් මාධ්යයෙහි සඳහන් ව ඇත්තේ.
