2024 පාර්ලිමේන්තු මැතිවරණය සඳහා වූ නාමයෝජනා භාර ගැනීම අද (11) මධ්‍යහන 12ට අවසන් වුණා.
ඒ, අනුව මෙවර පාර්ලිමේන්තු මැතිවරණයට; මැතිවරණ දිස්ත්‍රික්ක 22 සඳහා කණ්ඩායම් 690ක් තරග කිරීමට නියමිත බවයි මැතිවරණ කොමිෂන් සභාව සඳහන් කළේ.
නාමයෝජනා භාර ගැනීමට දී තිබූ කාලයෙන් අනතුරුව අද (11) පස්වරුවේ මාධ්‍ය හමුවක් පවත්වමින් මැතිවරණ කොමසාරිස් ජනරාල් සමන් ශ්‍රී රත්නායක සඳහන් කළේ මැතිවරණ දිස්ත්‍රික්ක 22 සඳහා භාර දී තිබූ නාමයෝජනා 764න් නාමයෝජනා 74ක් ප්‍රතික්ෂේප වී ඇති බවයි.
එලෙස නාමයෝජනා ප්‍රතික්ෂේප වූවන්ට අසාදාරනය වී ඇති බව හැඟේ නම් ඉදිරියේ දී අධිකරණයට පවා යෑමට අවසථාව පවතින බව ද කොමසාරිස්වටයා පැවසුවා.
මේ අතර මෙවර මැතිවරණය සඳහා වැඩිම දේශපාලන කණ්ඩායම් සංඛ්‍යාවක් තරග වදින මැතිවරණ දිස්ත්‍රික්කය දිගාමඩුල්ල වන අතර එම සංඛ්‍යාව 64ක් බවයි මැතිවරණ කොමසාරිස් ජනරාල්වරයා වැඩිදුරටත් පැවසුවේ.
එමෙන්ම මොණරාගල සහ පොළොන්නරුව මැතිවරණ දිස්ත්‍රික්ක සඳහා අවම දේශපාලන කණ්ඩායම් සංඛ්‍යාවක් තරග කරන අතර, දේශපාලන කණ්ඩායම් 15 බැගින් එම දිස්ත්‍රික්ක දෙකේ තරග කරන බව ඔහු පැවසුවා.
මේ අතර මෙවර පාර්ලිමේන්තු මැතිවරණයට ඉදිරිපත්වන එක් එක් අපේක්ෂකයින්ගේ අංක ඉදිරියේ දී ලබාදීමට කටයුතු කරන බවයි ඔහු මෙහිදී සඳහන් කළේ.
