මත්ද්රව්ය චෝදනා ඇතුළු තවත් වැරදිවලට ශ්රී ලංකාවේ බන්ධනාගාර ගත කර සිටි පාකිස්ථාන ජාතික සිරකරුවන් 56 දෙනෙකු අද (06) දින පස්වරුවේ එරට බන්ධනාගාර නිලධාරීන් වෙත භාරදීම කටුනායක ගුවන් තොටුපොළ තුළ දී සිදු වූ බව ගුවන් තොටුපොළ කාර්යය භාර නිලධාරීවරයා සඳහන් කළා.
මෙම පිරිස අතරින් 51 දෙනෙකු පිරිමි සිරකරුවන් වූ අතර, ඉතිරි 05 දෙනා කාන්තාවන බවයි වාර්තා වුණේ.
වසර ගනනාවකට පසුව ක්රියාත්මක වන මෙම සිරකරු හුවමාරු වැඩසටහන සඳහා මෙම සිරකරුවන් පිරිස රැගෙන යාමට පාකිස්තානයේ සිට විශේෂ ගුවන් යානයක් අද (06) පස්වරුවේ කටුනායක ගුවන් තොටුපොළ වෙත පැමිණ තිබුණා.
මෙම ගුවන් යානය තුළ පාකිස්ථාන ජාතික බන්ධනාගාර නිලධාරීන් 100කට අධික පිරිසක් පැමිණ සිටින බව ද ගුවන් තොටුපොළ කාර්යය භාර නිලධාරීවරයා වැඩිදුරටත් සඳහන් කර සිටියා.
මෙම පාකිස්ථාන ජාතික සිරකරුවන් ශ්රී ලංකාව පුරා පිහිටි බන්ධනාගාරවල රඳවා තබා සිටි සිරකරුවන් බවයි වාර්තා වුණේ.
මොවුන් රැගෙන යාමට නියමිත පාකිස්ථාන විශේෂ ගුවන් යානය අද (06) පස්වරු 05.30 පමණ කටුනායක ගුවන් තොටුපොළෙන් පාකිස්ථානය බලා පිටත්ව යාමට නියමිතයි.
