මන්නාරම මහාධිකරණ විනිසුරු එම්.එම් මිහාල් මහතාට අපහාසයක් වන ආකාරයේ වදන් ඇතුළත් දැන්වීම් කොළඹ ඇතුළු නාගරික ප්රදේශවල ඇලවූ බව කියන සිද්ධියට අදාළව අත්අඩංගුවට ගත් උපාධිධාරීන් දෙදෙනෙකු මෙම මස 10 දින දක්වා රක්ෂිත බන්ධනාගාරගත කරන ලෙස කොළඹ ප්රධාන මහේස්ත්රාත් තිළිණ ගමගේ මහතා ඊයේ (03) නියෝග කළා.
දසත අධිකරණ වාර්තාකරු පැවසුවේ; ලක්මාල් වික්රමසිංහ හා සංජය බණ්ඩාර නමැති සැකකරුවන් දෙදෙනෙකු එලෙස රක්ෂිත බන්ධනාගාරගත කෙරුණ බවයි.
මෙම සිද්ධියට අදාළව මීට පෙර පෞද්ගලික බස් රථ රියදුරුක ඇතුළු සැකකරුවන් තිදෙනකු කොළඹ අපරාධ කොට්ඨාසය මගින් අත්අඩංගුවට ගෙන අධිකරණයට ඉදිරිපත් කළ අතර ඔවුන් මෙම මස 10 දක්වා රක්ෂිත බන්ධනාගාරගත කර තිබුණා.
මාතලේ ඉෂාන් රවිෂ්ක,මඩපාත මනෝජ් මධුසංක,හා ඇරැව්වල පදිංචි ක්රිෂාන් නාලක එසේ මීට පෙර රක්ෂිත බන්ධනාගාර ගත කළ සැකකරුවන් අතර වනවා.
කොළඹ කොටුව දුම්රිය ස්ථානය, රේගු දෙපාර්තමේන්තුව, අලුත්කඩේ මහාධිකරණය, පැළවත්ත, බත්තරමුල්ල, ඇතුළු නාගරික ප්රදේශවල මෙම අපහාසාත්මක වදන් ඇතුළත් දැන්වීම් අලවා තිබූ බව ද කොළඹ අපරාධ කොට්ඨාසය පෙර නඩු වාරයේ දී අධිකරණයට දැන්වුවා.
මීට වසර කීපයකට පෙර මන්නාරම මහේස්ත්රාත් අධිකරණයට පහරදීමේ සිද්ධියක් සම්බන්ධයෙන් චෝදනා ලත් විත්තිකරුවන් පස්දෙනෙකුට එරෙහිව නඩු තීන්දුවක් ඉකුත් 29 දින මන්නාරම මහාධිකරණය මගින් ලබාදීමට නියමිතව තිබී ඇති බව ද ඊට පෙර දිනයේදී මෙම අපහාසාත්මක දැන්වීම් අලවා තිබූ බව ද එම අපරාධ කොට්ඨාසය පසුගිය නඩු වාරයේදී අධිකරණයට දැනුම් දී තිබුණු බවයි සඳහන් වන්නේ.
