වහාම තමන් ජීවත් වන ප්‍රදේශවලින් ඉවත් වීමට කටයුතු කරන ලෙස ඊශ්‍රායලය දකුණු ලෙබනන් වැසියන්ගෙන් ඉල්ලා සිටිනවා.
රොයිටර්ස් පුවත් සේවය වාර්තා කර ඇත්තේ; බේරූට් හි සිටින ඉරාන පිටුබලය ලබන සන්නද්ධ කණ්ඩායමක් වන හිස්බුල්ලා සංවිධානයේ ප්‍රතිප්‍රහාර හමුවේ ව්‍යසනය වීමේ වැඩි ඉඩකඩක් පවතින බැවින් නගර 20කට අධික ප්‍රමාණයකට ඉන් ඉවත් වන ලෙසට ඊශ්‍රායලය දැනුම්දී ඇති බවයි.
අද (03) දහවල් මෙම දැනුම්දීම සිදු කර තිබෙනවා.
හිස්බුල්ලා සංවිධානය තවදුරටත් දුර්වල කිරීමට සැලසුම් කර ඇති බැවින් ඊශ්‍රායලය ඉල්ලා ඇත්තේ වහාම එම ප්‍රදේශවලින් ඉවත් ව සිය මෙහෙයුම්වලට ඉඩදෙන ලෙසටයි.
දකුණු ලෙබනනයේ පළාත් අගනුවර වන නබාතියා නගරයෙන් ද ජනතාවට ඉවත් වන ලෙසට දැනුම්දී තිබෙනවා.
වසරකට ආසන්න කාලයක් ගාසා තීරයේ හමාස් සමඟ සටන් කරන ඊශ්‍රායලය, සති දෙකක දැඩි ගුවන් ප්‍රහාරවලින් පසු දකුණු ලෙබනනයට සිය හමුදා යැවූ අතර, එක්සත් ජනපදය හා ඉරානය තුළ යුද ගැටුමක් ඇතිවීමේ ජාත්‍යන්තර අවදානමක් ඇති ගැටුමක ආතතීන්
පවා උත්සන්න කළා.
හිස්බුල්ලා බලකොටුවක් ලෙස සැලකෙන බේරූට් හි දකුණු තදාසන්න ප්‍රදේශයේ අද පිපිරුම් තුනක් ඇති වීම ඊශ්‍රායලයේ මෙම තීරණයට හේතුවයි.
දකුණු ලෙබනන් ගම්මානයකට අනවසරයෙන් ඇතුළු වූ ඊශ්‍රායල හමුදාවන්ට එරෙහිව වැඩිදියුණු කළ පුපුරණ ද්‍රව්‍යයක් පුපුරුවා හරින ලද බවයි හිස්බුල්ලා ප්‍රකාශ කර ඇත්තේ.
