කෙටි පණිවිඩ යැවීමේ යෙදවුමක් හරහා ෂී ජින්පින් රටේ ආර්ථිකය හසුරුවන ආකාරය විවේචනය චීනයේ ප්‍රමුඛ පෙළේ ආර්ථික විද්‍යාඥයෙකු අතුරුදහන් වී තිබෙනවා.
මෙලෙස අතුරුදන්ව ඇති Zhu Hengpeng ප්‍රමුඛ චින්තන පර්ෂදයක නියෝජ්‍ය අධ්‍යක්ෂවරයා ලෙස කටයුතු කළා.
චීන නිලධාරීන් විසින් රඳවා තබාගෙන විමර්ශන කිරීමෙන් අනතුරුව ඔහු දැරූ තනතුරෙන් පසුගිය දා ඉවත් කෙරුණා.
ඔහු අතුරුදන් වී ඇත්තේ ඉන් අනතුරුවයි.
වෝල් ස්ට්‍රීට් ජර්නල් පුවත්පතට අනුව, WeChat හි පුද්ගලික සමූහ සංවාදයකදී ඔහු චීන ජනාධිපතිවරයාගේ තීන්දුව විවේචනය කළ බව කියනු ලබන අතර, එය ඔහුව විමර්ශනයට ලක් කිරීමට හේතු වී තිබෙනවා.
අප්‍රේල් මාසයේ සිට ඔහු ප්‍රසිද්ධියේ පෙනී නොසිටි අතර, ඔහුගේ අතුරුදහන් වීම විසම්මුතිය මර්දනය කිරීමේ ෂී ගේ උත්සාහය සමග සමපාත වනවා.
ඔහුගේ භූමිකාවෙන් ඉවත් කිරීමට පෙර, ෂු මහතා පාලක කොමියුනිස්ට් පක්ෂයට ප්‍රතිපත්ති පිළිබඳ උපදෙස් දීමේ වගකීම දරන, රජයේ පාලනය යටතේ ඇති චීන සමාජ විද්‍යා ඇකඩමියේ ආර්ථික විද්‍යා ආයතනයේ නියෝජ්‍ය අධ්‍යක්ෂවරයා ලෙස කටයුතු කළා.
