එංගලන්තයේ වේග පන්දු ක්රීඩක මාර්ක් වුඩ් දරුණු ආබාධයකට ලක් ව තිබෙනවා.
මේ හේතුවෙන් මේ දිනවල එංගලන්තයට එරෙහිව පැවැත්වෙන එක්දින තරගාවලියෙන් මෙන් ම පසුගියදා නිමාවට පත් වූ ශ්රී ලංකාවට එරෙහි ටෙස්ට් තරගාවලියේ තරග කිහිපයකින් ද වුඩ් ව නිදහස් කිරීමටයි කටයුතු කර තිබුණේ.
බීබීසී පුවත් සේවය පවසන්නේ මාර්ක් වුඩ්ගේ වැළමිටෙහි ආබාධය හේතුවෙන් ඔහුට කිසිදු ලෙසකින් ඔහුගේ දරුවන් හෝ වඩා නොගන්නා ලෙසට වෛද්ය උපදෙස් ලැබී ඇති බවටයි.
34 හැවිරිදි වුඩ් ඔහුගේ දකුණු වැලමිටේ අස්ථි බිඳීම මත මෙම වසරේ අග පැවැත්වෙන සියලු තරගවලින් සුව වන තෙක් තාවකාලික ව ඉවත් කර තිබෙනවා.
මාර්ක් වුඩ්ව 2025 නව වසරේ එංගලන්ත ක්රිකට් ආකෘතියට එක් කරගැනීමට ද බලාපොරොත්තු වන්නේ ඔහුගේ ආබාධයේ සුව වීමේ වේගය මත බවත් හෙතෙම බීබීසී ක්රීඩා අංශයට පවසා ඇති බවයි වාර්තා වන්නේ.
වුඩ් පවසා ඇත්තේ;
” මගේ දකුණු අතෙන් කරන්න පුළුවන් කිසිම දෙයක් මේ වෙද්දි මට නැහැ. මං වම් අතින් හැමදේම කරගන්නේ. අඩුම තරමින් මගේ දරුවන්වත් මට වඩාගන්න මේ කාලෙදි තහනම් කරලයි වෛද්යවරු තියෙන්නේ..”
