නීතිපති දෙපාර්තමේන්තුවේ වාහන රැඳවුම් අංගනයේ නවතා තිබූ නිල රථයක් පැහැරගෙන ගිය එම දෙපාර්තමේන්තුවේ පෞද්ගලික ආරක්ෂක අංශයේ ස්ථානාධිපතිවරයා සහ ආරක්ෂක කළමනාකාරවරයා ලබන 02 වැනිදා දක්වා රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රත් තිළිණ ගමගේ මහතා අද (24) නියෝග කළා.
ලැබුණු රහසිගත තොරතුරකට අනුව වැටලීමක් සිදු කර කෙසෙල්වත්ත පොලිසියේ නිලධාරීන් කණ්ඩායමක් පෙරේදා (22) පෙරවරුවේ නීතිපති දෙපාර්තමේන්තුව අසල දී එම වාහනය සමග සැකකරුවන් දෙදෙනා අත් අඩංගුවට ගෙන තිබෙනවා.
මොවුන් දෙදෙනා විසින් අදාළ වාහනය රහසිගත ව රැගෙන ගම්බිම් බලා ගොස් දින 03කට පසු නැවත පැමිණෙමින් සිටියදීයි මෙලෙස අත් අඩංගුවට ගෙන ඇත්තේ.
පොදු දේපොළ යටතේ ගැනෙන සාවද්‍ය පරිහරණය හා විශ්වාසය කඩ කිරීමේ චෝදනා යටතේ අදාළ සැකකරුවන් අද දිනයේ දී අධිකරණයට ඉදිරිපත් කර තිබුණා.
මෙච්චර කල් ඔය වගේ වැඩ ප්රශ්නයක් වෙන්න නැතිව ඇති