ජනාධිපතිවරණයේ ප්රචාරණ කටයුතු අවසන් වූ පසු සමාජ මාධ්ය ඔස්සේ සිදුකරනු ලබන ප්රචාරනයන් වැළැක්වීම සඳහා විශේෂ වැඩපිළිවෙළක් සකස් කර ඇති බව මැතිවරණ කොමිෂන් සභාව පවසනවා.
ඒ, අනුව ලබන 18 වැනිදා මධ්යම රාත්රියෙන් ආරම්භවන නිහඬ කාලසීමාවේ කිසිදු ප්රචාරණයක් සිදුකිරීමට නීතියෙන් තහනම් බවයි මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක සඳහන් කළේ.
සමාජ මාධ්ය යොදාගනිමින් ඇතැම් පිරිස් නීතිවිරෝධීව අපේක්ෂකයින් ප්රවර්ධනයට කටයුතු කරන බවට තොරතුරු ලැබී ඇති බව ද සභාපතිවරයා පැවසුවා.
නිහඬ කාලසීමාව තුළ සමාජ මාධ්ය ප්රචාරණය සම්බන්ධයෙන් ක්රියාකළ යුතු ආකාරය සම්බන්ධයෙන් අදාළ ජාත්යන්තර සමාගම් සමඟ සාකච්ඡා කර ඇති බව ද ඔහු වැඩිදුරටත් පැවසුවා.
මේ අතර වංචනික ලෙස ඡන්දය භාවිත කිරීමේ වරදට අය කෙරෙන දඩය රුපියල් 20,000ක් දක්වා ඉහළ නංවා තිබෙනවා.
මීට පෙර මෙම වරද සඳහා අය කළ දඩය වූයේ රුපියල් 500ක මුදලක්.
මැතිවරණ කොමිෂන් සභාව පවසන්නේ වංචනිකව ඡන්දය භාවිත කිරීම සම්බන්ධයෙන් වැරදිකරුවන් වන පුද්ගලයින්ට වසරක සිරදඬුවමක් ද හිමිවන බවයි.
