ශ්‍රී ලංකා ක්‍රිකට් කණ්ඩායම දිවයිනට පැමිණ තිබෙනවා.
පසුගියදා තරග තුනකින් සමන්විත එංගලන්තයට එරෙහිව පැවති ටෙස්ට් තරගාවලියේ අවසන් තරගය ජය ගනිමින් ඓතිහාසික ජයක් වාර්තා කිරීමට සමත් වූ ශ්‍රී ලංකා කණ්ඩායම අද (12) පස්වරු 02.05ට කටුනායක ගුවන්තොටුපොළ වෙත පැමිණ ඇත්තේ ලන්ඩන් සිට ශ්‍රී ලන්කන් ගුවන් සේවයේ යූ.එල් 504 දරන ගුවන් යානයෙන්.
දස වසරකට පසුව එංගලන්තයට එරෙහිව ශ්‍රී ලංකා කණ්ඩායම එංගලන්තයට ම එරෙහිව ක්‍රීඩා කළ පළමු තරග එම තරග ද්විත්වය ම පැවැත්වූ ද ඕවල් ක්‍රීඩාංගණයේ දී ම පරාජයට පත් කිරීම ඉතිහාසගත ජයක් ලෙසයි සැලකුණේ.
කෙසේවෙතත් තරගාවලි ජයග්‍රහණය සත්කාරක එංගලන්තයට හිමි වූ අතර තරග 02-01ක් ලෙසයි ඔවුන් පෙරමුණ ගත්තේ.
ශ්‍රී ලංකා ක්‍රිකට් කණ්ඩායමේ නායක ධනංජය ද සිල්වා ගුවන්තොටුපොළේ දී අදහස් දක්වමින් කියා සිටියේ තමන් මෙම තරගාවලිය හොඳින් නිමා කළ බවත් , මුල් ටෙස්ට් තරග දෙකේදී තම කණ්ඩායම අතින් සිදු වූ අඩුපාඩු කිහිපයක් හේතුවෙන් තරග පරාජයට හේතු වූ බවයි.
එළඹෙන නවසීලන්ත තරගාවලිය ඉතා හොඳින් අඩුපාඩු සකසා ගනිමින් තම කණ්ඩායම තරග කිරීමට බලාපොරොත්තු වන බව ද ඔහු වැඩිදුරටත් පැවසුවා.
