අගමැති නරේන්ද්ර මෝදි ඊයේ (11) හරිත හයිඩ්රජන් පිළිබඳ 2 වන ජාත්යන්තර සමුළුව අමතමින් හරිත හයිඩ්රජන් අංශය සඳහා ප්රතිපත්ති සැකසීමට ක්රම යෝජනා කරන ලෙස ගෝලීය විද්යා ප්රජාවෙන් ඉල්ලා සිටියා.
“හරිත හයිඩ්රජන් අංශයට උපකාර කිරීම සඳහා රාජ්ය ප්රතිපත්ති වෙනස් කිරීමට විද්යාඥයින්ට සහ නවෝත්පාදකයින්ට යෝජනා කළ හැකියි. හරිත හයිඩ්රජන් නිෂ්පාදනය, භාවිතය සහ අපනයනය සඳහා ඉන්දියාව ගෝලීය කේන්ද්රස්ථානයක් බවට පත් කිරීමට අපට අවශ්යයි. ” අගමැති මෝදි පැවසුවා.
ලෝකය තීරණාත්මක පරිවර්තනයක් හරහා ගමන් කරමින් සිටින බවත් බලශක්ති සංක්රාන්තිය සහ තිරසාරභාවය සඳහා ක්රියා කිරීමේ අවශ්යතාව පවතින බවත් අග්රාමාත්යවරයා ප්රකාශ කළා.
හරිත බලශක්තිය පිළිබඳ පැරිස් පොරොන්දු ඉටු කළ G-20 ජාතීන් අතර පළමුවැන්නා ඉන්දියාව බව අගමැති මෝදි පෙන්වා දුන්නා.
හරිත හයිඩ්රජන්වල ප්රතිලාභය ගැන කතා කරමින් අගමැති මෝදි පැවසුවේ එය විද්යුත්කරණය කිරීමට අපහසු කර්මාන්ත, පිරිපහදු, පොහොර, වානේ, බර ප්රවාහනය සහ එවැනි බොහෝ ක්ෂේත්රවලට ප්රතිලාභ ලබාගත හැකි බවයි.
