අලී සහිර් මවුලනා මහතා එම පක්ෂයෙන් නෙරපා හැරීම වළක්වමින් කොළඹ දිසා අධිකරණය නිකුත් කර ඇති වාරණ නියෝගය ලබන 25 දක්වා තවදුරටත් දිර්ඝ කිරීමට කොළඹ ප්‍රධාන දිසා විනිසුරු සඳුන් විතාන මහතා නියෝග කර තිබෙනවා.
ශ්‍රී ලංකා මුස්ලිම් කොංග්‍රස් පක්ෂයේ නායක රවුෆ් හකීම් පක්ෂයේ මහලේකම් නිශාන් කාරියප්පන් යන මහත්වරුන්ට එරෙහිවයි එම වාරණ නියෝගය නිකුත් කර ඇත්තේ.
නිසි ක්‍රමවේදය අනුගමනය නොකර පක්ෂ සාමාජිකත්වය අහෝසි කර තමාට එරෙහිව විනය ක්‍රියාමාර්ගයක් පවත්වා පක්ෂයෙන් තමාව නෙරපා හැරීමට එකී වගඋත්තරකරුවන් කටයුතු කළ බව පැමිණිලිකාර මන්ත්‍රීවරයා සිය පැමිණිල්ල මගින් අධිකරණයට පෙන්වා දී තිබෙනවා.
නීතිඥ සනත් විජේවර්ධන මහතා මගින් කොළඹ දිසා අධිකරණය හමුවේ එම පැමිණිල්ල ගොනු කෙරුණා.
