සෑම පාසල් ශිෂ්ය ශිෂ්යාවකටම ඉංග්රීසි අධ්යාපනය ලබා දීම සඳහා තමා ධවල පත්රිකාව ගෙන ආ අවස්ථාවේ ජනතා විමුක්ති පෙරමුණ ඊට විරුද්ධ විම හේතුවෙන් තරුණ තරුණියන් විශාල පිරිසකට ඉංග්රීසි අධ්යාපනය අහිමි වූ බව ජනාධිපති රනිල් වික්රමසිංහ පවසනවා.
ජනාධිපති රනිල් වික්රමසිංහ මේ බව සඳහන් කර සිටියේ මෙරට තරුණ ප්රජාව වෙනුවෙන් අද (08) විශේෂ ප්රකාශයක් සිදු කරමින්.
ජනතා විමුක්ති පෙරමුණ එදා විශ්වවිද්යාල උපකුලපතිවරුන් සහ ආචාර්යවරුන් ඝාතනය කළ බවත් ඔවුන්ගේ එම ක්රියාවන් නිසා මෙරට අධ්යාපන ක්ෂේත්රයේ වසර 10ක පමණ පසුබෑමක් ඇති වු බවත් පෙන්වා දුන් ජනාධිපතිවරයා ජවිපෙ මෙම විනාශය සිදු නොකළා නම් අද මෙරට තුළ වඩාත් යහපත් අධ්යාපන ක්රමයක් පවතින බව ද පෙන්වා දුන්නා.
වැඩිදුරටත් අදහස් දැක්වූ ජනාධිපතිවරා පවසන්නේ, වසර ගණනාවක් පුරා මෙරට අධ්යාපන ක්ෂේත්රයේ පසුබෑමට ජනතා විමුක්ති පෙරමුණ වගකිවයුතු බවයි.
ඒ අනුව කවුරුන් කෙසේ කිව්වත් English For All වැඩසටහන යටතේ සියලුදෙනාටම ඉංග්රීසි දැනුම ලබාදීමට අවස්ථාව සළසනවා දෙන බව ජනාධිපතිවරයා මෙහිදී ප්රකාශ කළා.
