හිටපු ජනාධිපති ඩොනල්ඩ් ට්‍රම්ප්, ජෝ බයිඩෙන් පරාජයට පත්වීමෙන් පසු 2020 මැතිවරණයට මැදිහත් වීමට උත්සාහ කළ බවට එක්සත් ජනපද නඩු පවරන්නන් ඔහුට එරෙහිව නව චෝදනා ගොනු කර ඇති බව බීබීසී පුවත් සේවය වාර්තා කරනවා.
ඔවුන් පසුගිය මාසයේ එක්සත් ජනපද ශ්‍රේෂ්ඨාධිකරණ තීන්දුවකට ප්‍රතිචාර දක්වමින් කියා සිටියේ ජනාධිපතිවරුන් බලයේ සිටියදී නිල ක්‍රියාවන් සඳහා අපරාධ නඩු පැවරීමෙන් පුළුල් මුක්තියක් භුක්ති විඳින බවයි.
සංශෝධිත අධිචෝදනා පත්‍රය ට්‍රම්ප්ට එරෙහි අපරාධ චෝදනා හතරක් ඉදිරිපත් කර තිබෙනවා.
2020 මැතිවරණයේ දී පුළුල් ව පැතිරුණු ඡන්ද වංචාවක් සිදු වූ බවට සාක්ෂි නොමැතිව ට්‍රම්ප් සිය කටයුතු කරගෙන ගෙන ගිය ද, මැතිවරණ ඇඟිලි ගැසීම් චෝදනා ඔහු ප්‍රතික්ෂේප කර තිබෙනවා.
මෙහිදී කමලා හැරිස් සහ ඩොනල්ඩ් ට්‍රම්ප් අතර විවාදයක් එළඹෙන සැප්තැම්බර් 10 වනදා පැවැත්වීමට කටයුතු කර ඇති බව විදෙස් මාධ්‍ය තවදුරටත් වාර්තා කරනවා.
එහිදී ට්‍රම්ප් විසින් මෙම විවෘත සාකච්ඡාවට එකඟතාව පළ කර ඇති බවත් වාර්තා වනවා.
කෙසේවෙතත් කමලා හැරිස් විසින් තවමත් එකඟතාව පළ කර නැහැ.
