සියලුම ජනාධිපති අපේක්ෂකයින්ට සමාන අවස්ථා – මැතිවරණ කොමසාරිස් ජනරාල්

ඉදිරි ජනාධිපතිවරණයේ දී සියලුම අපේක්ෂකයින්ට සමාන අවස්ථා ලබාදීමට මැතිවරණ කොමිසම කැපවී සිටින බව මැතිවරණ කොමසාරිස් ජනරාල් සමන් ශ්‍රී රත්නායක පවසනවා.

ජනාධිපතිවරණයේ වැදගත්කම පෙන්වා දෙන කොමසාරිස් ජනරාල්වරයා මෙය රටේ විධායකයේ ප්‍රධානියා තෝරාගන්නා තීරණාත්මක ක්‍රියාවලියක් බව සඳහන් කළා.

මෙම මැතිවරණය අවංකව සහ විනිවිදභාවයෙන් යුතුව පැවැත්වීමේ වැදගත්කම අවධාරණය කළ ඔහු සාධාරණත්වය තහවුරු කිරීම සඳහා මාධ්‍ය සතුව ප්‍රධාන කාර්යභාරයක් ඇති බව ද අවධාරණය කර සිටියා.

මැතිවරණ කොමසාරිස් ජනරාල්වරයා මෙම අදහස් පළ කළේ ලංකා තරුණ සංවිධාන ජාලය විසින් සංවිධානය කළ වැඩසටහනකට ඊයේ (20) එක්වෙමින්.