චීනයට අයත් කෙටි-වීඩියෝ වේදිකාවක් වන ටික්ටොක්, නීතිවිරෝධී ලෙස දරුවන්ගේ පුද්ගලික තොරතුරු රැස්කර තබාගෙන ඇතැයි එක්සත් අධිකරණ දෙපාර්තමේන්තුව පවසනවා.
සමාජ මාධ්‍ය යෙදුමේ දරුවන්ගේ පෞද්ගලිකත්වය ආරක්ෂා කිරීමට අපොහොසත් වීම සම්බන්ධයෙන් එක්සත් ජනපද අධිකරණ දෙපාර්තමේන්තුව, ටික්ටොක් සහ එහි චීනයේ මව් සමාගම වන ByteDance ට එරෙහිව නඩු පවරා තිබෙනවා.
අධිකරණ දෙපාර්තමේන්තුවේ ප්‍රකාශයකට අනුව, TikTok ළමා ඔන්ලයින් රහස්‍යතා ආරක්ෂණ පනත උල්ලංඝනය කර ඇති අතර, අදාළ පනත අනුව පරිශීලකයින් වයස අවුරුදු 13ට අඩු නම් පුද්ගලික තොරතුරු රැස් කිරීම සඳහා දෙමාපියන්ගේ කැමැත්ත ලබා ගැනීම සඳහා ළමුන් ඉලක්ක කරගත් සේවාවන් අවශ්‍ය වනවා.
අදාළ නිවේදනයේ දැක්වුණේ TikTok දැනුවත්ව දරුවන්ට යෙදුමේ ගිණුම් සෑදීමට සහ වැඩිහිටියන් සමඟ වීඩියෝ නිර්මාණය කිරීමට සහ බෙදා ගැනීමට ඉඩ ලබා දෙන බවයි.
එමෙන්ම සමාජ මාධ්‍ය වේදිකාව තරුණ පරිශීලකයින්ගෙන් ඔවුන්ගේ දෙමාපියන්ගේ අනුමැතියකින් තොරව තොරතුරු රැස් කර ඇති බව එහි සඳහන්.
“විත්තිකරුවන් නීතිවිරෝධී ලෙස ළමා විද්‍යුත් තැපැල් ලිපින සහ වෙනත් ආකාරයේ පුද්ගලික තොරතුරු රැස්කර තබාගෙන ඇත. තවද, දෙමාපියන් තම දරුවන්ගේ ගිණුම් සොයාගෙන ඒවායේ ගිණුම් සහ තොරතුරු මකා දමන ලෙස විත්තිකරුවන්ගෙන් ඉල්ලා සිටි විට, විත්තිකරුවන් එම ඉල්ලීම්වලට ගරු කිරීමට නිතර අපොහොසත් විය,” අධිකරණ දෙපාර්තමේන්තු නිවේදනයේ වැඩිදුරටත් සඳහන් වුණා.
