ජාතික ජිම්නාස්ටික් සංගමය මඟින් දෙවන වරටත් සංවිධානය කළ ‘ජිම් ෆෝ ලයිෆ්ස්’ තරගාවලියේ ජයග්‍රාහකයින් සඳහා ජය සංකේත ප්‍රදානය පසුගිය දා සුගතදාස ගෘහස්ථ ක්‍රීඩාංගණයේදී සිදු කෙරුණා.
ඒ, මහජන ආරක්ෂක අමාත්‍ය ටිරාන් අලස්ගේ ප්‍රධානත්වයෙන්.
මෙවර ‘ජිම් ෆෝ ලයිෆ්ස්’ තරගාවලියට පිරිමි, කාන්තා සහ මිශ්‍රයන කාණ්ඩ තුනක් යටතේ පැවති අතර, කණ්ඩායම් 56ක් නියෝජනය කරමින් ක්‍රීඩක ක්‍රීඩිකාවන් 1,580ක් පමණ එක්ව සිටියා.
ඒ, අනුව මෙවර තරගාවලියේ සමස්ථ පිරිමි ශූරතාව කොළඹ මිත්‍රත්ව ක්‍රීඩා සමාජය හිමිකර ගත් අතර, දෙවන ස්ථානය ඉසිපතන විද්‍යාලීය කණ්ඩායම හිමිකර ගනු ලැබුවා.
එහි තෙවැනි ස්ථානය දිනාගත්තේ අශෝක විද්‍යාලීය කණ්ඩායමයි.
කාන්තා ශූරතාව හිම්කරගනු ලැබුවේ කඩවත මහමයා බාලිකා විද්‍යාලයයි.
තරගාවලියේ මිශ්‍ර අංශයේ ශූරතාව පොළොන්නරුව දිස්ත්‍රික් සංගමය විසින් දිනාගනු ලැබුවා.
එමෙන්ම සමස්ථ පිරිමි ශූරතාවය සහ සමස්ථ තරගාවලියේ වැඩිම ලකුණු හිමි සමස්ථ ශූරතාවය කොළඹ මිත්‍රත්ව ක්‍රීඩා සමාජය විසින් දිනාගත්තා.
