චරිත්, කුසල් මෙන්ඩිස්ව ඉල්ලයි

ඉන්දීය කණ්ඩායම සමඟ එළඹෙන තරගාවලියේ දී ආරම්භක පිතිකරු කුසල් මෙන්ඩිස්ට කණ්ඩායමේ රැඳී සිටීමට ඉඩ ලබාදෙන ලෙස ශ්‍රී ලංකා නව නායක චරිත් අසලංක තේරීම් කමිටුවෙන් ඉල්ලා ඇති බව වාර්තා වනවා.

කෙසේ වෙතත් මීට පෙර තොරතුරු වාර්තා වුණේ එළඹෙන ඉන්දීය තරගාවලියේ දී කුසල් මෙන්ඩිස් ශ්‍රී ලංකා කණ්ඩායමෙන් ඉවත් කිරීමට තීරණයක් ගෙන ඇති බවයි.

ඔහු මේ දිනවල දක්ෂතා අතර නොසිටීම හේතුවෙන් තේරීම් කමිටුව මෙම තීරණයට එළඹ සිටි බවයි ක්‍රිකට් ආරංචි මාර්ග පැවසුවේ.

කෙසේ වෙතත් චරිත් අසලංකගේ ඉල්ලීම අනුව මෙන්ඩිස්ට කණ්ඩායම තුළ රැඳී සිටීමට අවස්ථාව හිමිවනු ඇති.

මේ අතර ශ්‍රී ලංකා විස්සයි විස්ස කණ්ඩායමේ නව නායකත්වයට චරිත් අසලංක පත් කිරීමට ඇති බවට තොරතුරු වාර්තා වුනත් ඔහුව තවමත් එම තනතුර සඳහා නිල වශයෙන් පත්කර නැහැ.