‘යුක්තිය 02’ මෙහෙයුමට සමගාමීව දෙමටගොඩ පොලිස් වසමේ සිදුකළ විශේෂ සෝදිසි මෙහෙයුමේ දී මත්ද්රව්ය ජාවාරම්කරුවන් පස්දෙනකු ඇතුළු 42ක් අත්අඩංගුවට ගත් බව පොලිසිය පවසනවා.
මෙහි දී අත්අඩංගුවට ගැනුණු මත් ජාවාරම්කරුවන් දෙදෙනෙක් සන්තකයේ තිබී ජාවාරමෙන් උපයාගත් බවට සැකකෙරෙන රුපියල් 28 ලක්ෂයක මුදලක් ද පොලිස් භාරයට ගෙන තිබෙනවා.
අත්අඩංගුවට ගැනුණු සැකකරුවන් 42 දෙදෙනාම සන්තකයේ හොරොයින්, අයිස් සහ ගංජා ඇතුළු මත්ද්රව්ය සොයාගත් බවයි පොලිසි සඳහන් කළේ.
මත්ද්රව්ය ජාවාරමේ යෙදෙන බවට හඳුනාගෙන තිබූ දෙමටගොඩ සියපත් සෙවණ මහල් නිවාස සංකීර්ණයේ නිවසක් සෝදිසි කිරිමේ දී එම නිවස තුළ සඟවා තිබූ මත්ද්රව්ය ජාවාරමෙන් උපයා ගත් බවට සැකකරන රුපියල් ලක්ෂ 27ක මුදලක් සොයා ගැනීමට හැකිව ඇති බවයි වාර්තා වුණේ.
මේ වනවිට එම නිවසේ පදිංචිව සිටි පුද්ගලයින්ට අධිකරණයේ විභාගවන මත්ද්රව්ය නඩු කීපයක් ද ඇති බවයි අනාවරණය වී ඇත්තේ.
ඊට අමතරව මිහිඳු සෙන්පුර මහල් නිවාස සංකීර්ණයේ නිවසක් තුළ ද තිබී රුපියල් ලක්ෂයක මුදලක් සමඟ මත්ද්රව්ය සොයාගැනීමට හැකි වූ බවයි පොලිසිය සඳහන් කළේ.
අත්අඩංගුවට ගැනුණු සැකකරුවන් අධිකරණය වෙත ඉදිරිපත් කිරීමට නියමිතයි.
