ඉන්දියාවේ ප්‍රථම සූර්ය මෙහෙයුම Aditya-L1 අභ්‍යවකාශ යානය හිරු – පෘථිවි L1 ලක්ෂ්‍යය වටා එහි පළමු කක්ෂය සම්පූර්ණ කළ බව ඉන්දීය අභ්‍යවකාශ පර්යේෂණ සංවිධානය (ISRO) නිවේදනයක් නිකුත් කරමින් පවසනවා.
Aditya-L1 මෙහෙයුම පසුගිය වසරේ සැප්තැම්බර් 2 වන දින දියත් කරන ලද අතර ජනවාරි 6 වන දින එහි ඉලක්කගත හැලෝ කක්ෂයට ඇතුළත් කෙරුණා.
Halo කක්ෂයේ ඇති Aditya-L1 අභ්‍යවකාශ යානයට L1 ලක්ෂ්‍යය වටා එක් කක්ෂයක් සම්පූර්ණ කිරීමට දින 178ක් ගතවනවා.
හැලෝ කක්ෂයේ ගමන් කරන අතරතුර, අභ්‍යවකාශ යානය විවිධ කැළඹිලි බලවේගවලට ලක්වන අතර එමඟින් එය ඉලක්කගත කක්ෂයෙන් ඉවත් වීමට හේතු වනු ඇති බව ISRO ප්‍රකාශ කළා.
අභ්‍යවකාශ යානයේ ක්‍රියා කරන විවිධ කැළඹිලි බලවේග පිළිබඳ අවබෝධය ගමන් පථය නිවැරදිව නිර්ණය කිරීමට සහ නිශ්චිත කක්ෂ උපාමාරු සැලසුම් කිරීමට උපකාරී වූ බව ISRO පවසනවා.
ඔබේ ප්‍රතිචාරය කුමක්ද ?
+1
+1
+1
1
+1
+1
+1
+1
