චීනය විදුලි මෝටර් රථ සහ බැටරි නිෂ්පාදන වෙළඳපොළේ බහුතරයක් සාර්ථකව අත්පත් කරගෙන සිටිනවා.
නමුත් අමෙරිකාව සහ යුරෝපා සංගමය අමෙරිකාවේ මෝටර් රථ නිෂ්පාදක ටෙස්ලා විසින් මෙහෙයවනු ලබන උපරිම මෝටර් රථ නිෂ්පාදනය කිරීම මගින් එම අංශයේ නියෝජනය ඉහළ නැංවීමේ අවස්ථා සූදානම් කරමින් සිටින්නේ චීනයට අභියෝග කිරීමේ අරමුණින්.
මෑතක සිට අමෙරිකාව සහ යුරෝපා සංගමය, චීන නිෂ්පාදකයින් විසින් සිදුකරන ලද ද්වේෂසහගත වෙළඳ පිළිවෙත් සැළකිල්ලට ගෙන තිබෙනවා.
එහි ප්රතිපලයක් ලෙස චීන සමාගම්වලට ඔවුන්ගෙන් දැඩි සම්බාධකවලට ලක්වන්නට සිදු වුණා.
මෙය චීනය කෝපයට පත් කළ අතර ඒ සඳහා පළිගැනීමක් ලෙස චීනය ප්රකාශ කළේ විදේශයන්හි නිෂ්පාදිත විශාල මෝටර් රථ සඳහා සිය ආනයන ගාස්තු 25% දක්වා ඉහළ නැංවීමට අදහස් කරන බවයි.
එය සිදුවුවහොත්, Maybach, BMW සිට Mercedes-Benz දක්වා පරාසයක මෝටර් රථ සියල්ලම චීනයෙන් පිටත නිෂ්පාදනය කරන බැවින් එය බටහිර මෝටර් රථ වෙළඳපොළට ඉතා ප්රබල පහරක් වන බවට සැක නැහැ.
විශේෂයෙන්ම විදුලි මෝටර් රථ සඳහා 25% සිට 100% දක්වා ඉලක්ක කර ගනිමින්, අමෙරිකානු ජනාධිපති ජෝ බයිඩන්, චීන ආනයන සඳහා දැඩි තීරුබදු පැනවූයේ පසුගිය සතියේයි.
අමෙරිකානු නිලධාරීන් චීනයට චෝදනා කර ඇත්තේ ලාභ වැඩිකර ගැනීම සඳහා අධික නිෂ්පාදන ධාරිතාවයක නිරත වන බවටයි.
දුම්රිය සහ බලශක්ති ටෙන්ඩර්වලින් බොහෝ චීන සමාගම් විශාල වශයෙන් ඉවත් කරගැනීමට හේතුවන පරිදි කර්මාන්ත පරාසයක් තුළ චීන සමාගම් විමර්ශනය කිරීමට යුරෝපා සංගමය ද පටන් ගෙන තිබෙනවා.
ඒ, චීනයේ විදුලි මෝටර් රථ වෙළඳපොලේ අධිවේගී වර්ධනය පිළිබඳ බටහිරයන් විසින් සැක මතු කර ඇති පසුබිමකයි.
චීන විදුලි මෝටර් රථ නිෂ්පාදකයින් විදේශීය මෝටර් රථ වෙළඳපොළවල් ප්රබල ලෙස ආක්රමණය කරමින් සිටින අතර තාක්ෂණයෙන් සන්නද්ධ වාහන සම්බන්ධයෙන් ඉහළ යන අපනයනය සහ සයිබර් ආරක්ෂාව පිළිබඳ චෝදනා සම්බන්ධයෙන් පරීක්ෂණ සඳහා ද ලක්ව සිටිනවා.
