2024 ඉන්දීය ප්‍රිමියර් ලීග් තරගාවලිය ඊයේ (26) රාත්‍රියේ අවසන් වුණේ කොල්කටා නයිට් රයිඩර්ස් කණ්ඩායම ශූරතාව හිමිකර ගනිමින්.
මෙවර තරගවලියේ ශූරතාව හිමිකරගත් කොල්කටා නයිට් රයිඩර්ස් කණ්ඩායම වෙනුවෙන් පිරිනැමුණු ත්‍යාග මුදල ඉන්දීය රුපියල් කෝටි 20ක්.
එය ශ්‍රී ලංකා මුදලින් රුපියල් කෝටි 72කට අසන්න මුදලක් වනවා.
ඊට අමතරව අනුශුරතාව දිනාගත් සන්රයිසස් හයිද්‍රාබාද් කණ්ඩායමට ඉන්දීය රුපියල් කෝටි 12.5ක ත්‍යාග මුදලක් හිමි වුණා.
එය මෙරට මුදලින් රුපියල් කෝටි 45ක් පමණ වනවා.
කෙසේ වෙතත් මෙම කණ්ඩායම් දෙකම තම සංචිතවල සිටි ක්‍රීඩකයින් දෙදෙනෙක් මිලදී ගැනීම වෙනුවෙන් ලැබූ ත්‍යාග මුදලට වඩා වැඩි මුදලක් වැයකර තිබීම ද විශේෂත්වයක්.
ඒ, අනුව කොල්කටා නයිට් රයිඩර්ස් කණ්ඩායම ඕස්ට්‍රේලියානු ක්‍රීඩක මිචල් ස්ටක් වෙනුවෙන් ක්‍රීඩක වෙන්දේසියේ දී වැයකළ මුදල ඉන්දීය රුපියල් කෝටි 24.75ක් වනවා.
සන්රයිසස් හයිද්‍රාබාද් කණ්ඩායමේ නායකයා ලෙස කයුතු කළ ඕස්ට්‍රේලියානු ක්‍රීඩක පැට් කමින්ස් වෙනුවෙන් වෙන්දේසියේ දී වියදම් කළ මුදල ඉන්දීය රුපියල් කෝටි 20.75ක්.
එලෙස විශාල ධනයක් ක්‍රීඩක වෙන් දේසියේ දී වියදම් කරමින් මිලදී ගත් මෙම ක්‍රීඩකයින් දෙදෙනා මෙවර තරගාවලිය තුළ සිය කණ්ඩායම් දෙකට උපරිම වශයෙන් සාධාරණයක් ඉටුකළ බවයි ක්‍රිකට් විචාරකයින්ගේ මත වී ඇත්තේ.
