හෙට (25) සිට දිවයිනේ සියලුම පාසල්වල 1- 5 දක්වා ශ්රේණිවල දරුවන්ට පාසලේ දී ප්රධාන ආහාරවේලක් ලබාදීමට අධ්යාපන අමාත්යාංශය පියවර ගෙන තිබෙනවා.
පෝෂණවේදීන්ගේ නිර්දේශ ද සැලකිල්ලට ගෙන සිසුන් අධ්යාපන කටයුතුවල නිරත වීමට පෙර, පෙරවරු 7.30ත් 8.30 අතර කාලය තුළ මෙම උදෑසන ආහාර වේල ලබාදෙන ලෙසයි අධ්යාපන අමාත්ය සුසිල් ප්රේමජයන්ත උපදෙස් ලබා දී ඇත්තේ.
එම ආහාරවේල පෝෂණීය හා සෞඛ්යාරක්ෂිත බවින් ඉහළ මට්ටමක පවත්වාගෙන යාමට අධ්යාපන අමාත්යාංශය වැඩි අවධානයක් යොමු කර තිබෙනවා.
“නිරෝගී ක්රියාශීලී දරු පරපුරක්” යන තේමාව යටතේ මෙවර 2024 වර්ෂය සඳහා ක්රියාත්මක පාසල් ආහාර වැඩසටහන මගින් පාසල් සිසුන් අතර පෝෂණ ගැටලු අවම කිරීම, සිසුන්ගේ දෛනික පාසල් පැමිණීම වර්ධනය කිරීම, යහපත් ආහාර පුරුදු හා සෞඛ්ය පුරුදු වර්ධනය කිරීම, අධ්යාපන සාධන මට්ටම් වර්ධනය සඳහා දායක වීම සහ දේශීය ආහාර සංස්කෘතිය ගොඩනැගීම යන මූලික අරමුණු හතර ඉටු කරගැනීමට අපේක්ෂිතයි.
රජයේ පාසල් 9134ක ප්රාථමික ශ්රේණිවල සියලු සිසුන් හා 100ට අඩු සිසුන් සංඛ්යාවක් සිටින සියලුම පාසල් ද ආවරණය වන පරිදි සිසුන් මිලියන 1.6ක් මෙවර පාසල් ආහාර වැඩසටහනට ඇතුළත්.
මේ සඳහා රජය රුපියල් මිලියන 16,600ක අයවැය ප්රතිපාදන සෘජුවම පළාත් සභා 09 වෙත වෙන්කර ඇති අතර, අමතර වශයෙන් ලෝක ආහාර වැඩසටහන හා එක්සත් ජනපද කෘෂිකර්ම දෙපාර්තමේන්තුව (USDA) ඇතුළු වෙනත් සංවිධාන විසින් ද අනුග්රාහකත්වය සපයනු ලබනවා.
අධ්යාපන අමාත්ය සුසිල් ප්රේමජයන්තගේ සෘජු මැදිහත් වීමෙන් මේ වන විට එක් ශිෂ්ය ආහාර වේලක් වෙනුවෙන් රජය සපයන රුපියල් 85ක මුදල, පවත්නා වෙළෙඳපොළ මිල ගණන් ඉහළ යෑමට සාපේක්ෂ ව රුපියල් 110 දක්වා වැඩි කර තිබෙනවා.
මෙම පෝෂණ වැඩසටහනට අවශ්ය ආහාර වර්ග ප්රධාන දේශීය සැපයුම්කරුවන් විසින් සපයනු ලබන අතර එය සෘජු හා වක්ර නව රැකියා උත්පාදනය ඔස්සේ මෙරට නිෂ්පාදන ආර්ථිකය ශක්තිමත් කිරීමට ද දායකවීමක්.
ජනාධිපති රනිල් රනිල් වික්රමසිංහගේ ප්රධානත්වයෙන් හා අධ්යාපන අමාත්ය ආචාර්ය සුසිල් ප්රේමජයන්තගේ සහභාගීත්වයෙන් නාරාහේන්පිට සුජාතා බාලිකා විද්යාලයේ දී මෙම 2024 වර්ෂයේ පාසල් ආහාර වැඩසටහන හෙට (25) දින ආරම්භ වන අතර ඊට සමගාමීව පළාත් මට්ටමින් ද සමාරම්භක වැඩසටහන් දිවයින පුරා පැවැත්වෙනවා.
wpDiscuz
