පුත්තලම බන්ධනාගාර සිර මැදිරියේ රඳවා සිටි සැකකරුවෙක් තමන් ඇද සිටි සරමේ කොටසකින් ගෙළ වැළලාගෙන මිය ගොස් ඇති බව පුත්තලම පොලීසිය පවසනවා.
මෙලෙස සියදිවි නසාගෙන ඇත්තේ පුත්තලම, තබ්බෝව ප්‍රදේශයේ පදිංචිව සිටි 50 හැවිරිදි වියේ පසු වූ පුද්ගලයෙක්.
පොලිසිය පවසන්නේ ඊයේ (17) පස්වරු 5.00ට පමණ මෙම පුද්ගලයා මෙලෙස සියදිවි නසාගෙන ඇති බවයි.
කරුවලගස්වැව පොලීසිය විසින් සැකකරුව අත්අඩංගුවට ගෙන ඊයේ (17) දින පුත්තලම මහේස්ත්‍රාත් අධිකරණයට ඉදිරිපත් කර තිබෙනවා.
පසුව සැකකරු රක්ෂිත බන්ධනාගාර ගත කිරීමට නියෝග කර ඇති අතර, ඔහුව මීගමුවේ පිහිටි රිමාන්ඩ් බණ්ධනාගාරයට රැගෙන යන තුරු පුත්තලම බන්ධනාගාර සිර මැදිරියේ රඳවා සිටි බවයි වාර්තා වන්නේ.
එලෙස රඳවා සිටි සැකකරු ඇද සිටි සරම ඉරා ඉන් කොටසකින් සිර මැදිරියේ ජනේලයක එල්ලී සියදිවි හානි කරගෙන ඇති බවයි වාර්තා වුණේ.
මෘත ශරීරය සම්බන්ධයෙන් පශ්චාත් මරණ පරීක්ෂණය පැවැත්වීමට නියමිතව තිබුණා.
