ශ්‍රී ලංකා ක්‍රිකට් කණ්ඩායමේ ක්‍රීඩකයින්ගේ දක්ෂතා වර්ධනයට සහ ක්‍රීඩකයින් දිරිගැන්වීම සඳහා කණ්ඩායම් කළමණාකාරීත්වය නව වැඩසටහනක් ආරම්භ කර තිබෙනවා.
කණ්ඩායමට නව මුහුණුවරක් එක්කරමින් ආරම්භ කර ඇති මෙම නව වැඩසටහන මඟින් එක් එක් තරගය අවසානයේ කණ්ඩායමේ පන්දු රැකීමෙන් ඉහළම දක්ෂතාව දක්වන ක්‍රීඩකයා තෝරාගනු ලබනවා.
එලෙස තෝරාගනු ලබන ක්‍රීඩකයාට ඔරේන්ජ් කැප් තොප්පියක් සහ වටිනා සිහිවටන කාසියක් ත්‍යාගයක් ලෙස පිරිනමන බවයි වාර්තා වුණේ.
ඊයේ ආරම්භ වූ බංග්ලාදේශය සමඟ විස්සයි විස්ස තරගාවලියේ සිට මෙම නව වැඩසටහන කණ්ඩායම තුළ ක්‍රියාත්මක කිරීම අරඹා ඇති බව සඳහන්.
ඒ, අනුව ඊයේ තරගයේ දී දැක් වූ විශිෂ්ඨ පන්දු රැකීම වෙනුවෙන් චරිත් අසලංකට එම ඔරේන්ජ් කැප් තොප්පිය සහ සිහිවන කාසිය ත්‍යාග වශයෙන් පිළිගන්වනු ලැබුවා.
ශ්‍රී ලංකා කණ්ඩායමේ පන්දු රැකීමේ පුහුණුකරු උපුල් චන්දන විසින් අසලංකට මෙම ත්‍යාගයන් පිළිගන්වා තිබෙනවා.
බංග්ලාදේශ සමඟ ඊයේ (04) පැවති පළමු විස්සයි විස්ස තරගයේ වීරයා බවට පත්වීමට ද චරිත් අසලංකට හැකියාව ලැබුණා.
මේ අතර මෙවැනිම ආකෘතියේ වැඩසටහනක් ඉන්දීය ක්‍රිකට් කණ්ඩායම තුළ ද ක්‍රියාත්මක වනවා.
