ආසියාවේ ධනවත්ම පුද්ගලයා ලෙස හඳුන්වන මුකේෂ් අම්බානිගේ බාල පුත්රයාගේ පූර්ව මංගල සාදය අද (02) සිට පැවැත්වෙනවා.
ඉන්දියාවේ ගුජරාට් ප්රාන්තයේ පැවැත්වෙන මෙම මංගල සාදය සඳහා ලොව ධනවත්ම පුද්ගලයින් සහ ලොව ජනප්රිය පුද්ගලයින් රැසකට ඇරයුම් ලැබී ඇති බවයි වාර්තා වන්නේ.
බිල් ගේට්ස්, මාර්ක් සකර්බර්ග්, ඇමරිකානු හිටපු ජනාධිපති ඩොනල්ඩ් ට්රම්ප්ගේ දියණියක් වන ඉවන්කා ට්රම්ප්, ඩිස්නි සමාගමේ ප්රධානී බොබ් ඉගර්, ජනප්රිය ගායිකා රිහානා මෙන්ම තවත් ලොව ප්රසිද්ධ චරිත රැසක් මෙම උත්සවයට සහභාගීවීමට නියමිත බව සඳහන්.
ඊට අමතරව බොලිවුඩ් සිනමාවේ ජනප්රිය තරු රැසක් ද මුකේෂ් අම්බානිගේ බාල පුත්රයාගේ පූර්ව මංගල සාදයට එක්වීමට නියමිතයි.
ෆෝබ්ස් සඟරාවට අනුව මුකේෂ් අම්බානි ලොව ධනවත්ම පුද්ගලයින් අතර මේ වනවිට 10 වන ස්ථානයේ රැඳී සිටිනනවා.
ඔහුගේ බාල පුත්රයාවන 28 හැවිරිදි වියේ පසුවන අනන්ට් අම්බානි මේ වසරේ ජූලි මාසයේ දී 29 හැවිරිදි රාධිකා මර්චන්ට් සමඟ විවාහ වීමට සැලසුම්කර තිබෙනවා.
එම විවාහ මංගල්යයේ පූර්ව මංගල සාදය අද (02) සිට මෙලෙස ආරම්භ වන අතර, ඒ සඳහා මුකේෂ් අම්බානි වැයකර ඇති මුදල පිළිබඳව මෙතෙක් තොරතුරක් වාර්තා වී නැහැ.
කෙසේ වෙතත් මෙම පූර්ව විවාහ සාදය සඳහා ගුජරාටයේ ජම්නගර් වෙත අමුත්තන් 1,200ක් පමණ පැමිණ ඇති බවයි ඉන්දීය මාධ්ය වාර්තා කරන්නේ.
දින තුනක් පුරා පැවැත්වෙන මෙම උත්සවයේ දී අමුත්තන් එම දින තුන පුරාවට එහි රැදී සිටීමට නියමිතයි.
