ඉතාලි තානාපති කාර්යාලය වෙත සේවාවන් සඳහා පැමිණෙන පුද්ගලයන්ගෙන් ඉතාලි රටේ විදේශ රැකියා ලබා දෙන බවට පවසා මුදල් ලබා ගත් සැකකාරියක් සහ සැකකරුවෙක් ඊයේ (28) දින අත්අඩංගුවට ගෙන තිබෙනවා.
තානාපති කාර්යාලය මගින් සිදුකරන ලද පැමිණිල්ලක් මත කොළඹ අපරාධ කොට්ඨාසයේ නිලධාරීන් විසින් විමර්ශන සිදුකර මෙලෙස මුදලින් රුපියල් ලක්ෂ 26ක් වංචාකළ 50 හැවිරිදි සහ 52 හැවිරිදි නාරාහේන්පිට ප්රදේශයේ පදිංචි මොවුන් දෙදෙනා අත්අඩංගුවට ගෙන ඇති බව සඳහන්.
මේ පිළිබඳව කොළඹ අපරාධ කොට්ඨාසය වැඩිදුර විමර්ශන සිදු කරනු ලබයි.
