19න් පහළ ලෝක කුසලාන ක්‍රිකට් තරගාවලියට එක්වන ශ්‍රී ලංකා සංචිතය නම්කර තිබෙනවා.
සිනෙත් ජයවර්ධන (නායක), මල්ෂ තරුපති (උප නායක), පුලිඳු පෙරේරා, හිරුන් කපුරුබණ්ඩාර, රවිශාන් නෙත්සර, රුසඳ ගමගේ, දිනුර කළුපහන, විශ්ව ළහිරු, ගරුක සංකේත්, දුවිඳු රණතුංග, රුවිෂාන් පෙරේරා, සුපුන් වඩුගේ, විහස් තෙව්මික,
විශේන් හලඹගේ මෙම සංචිතයට ඇතුලත්.
අතිරේක ක්‍රීඩකයන් ලෙස දිනුක තෙන්නකෝන් සහ හිරාන් ජයසුන්දර නම් කර තිබෙනවා.
මෙම සංචිතයට ක්‍රීඩා අමාත්‍යවරයාගේ ද අනුමැතිය ලැබී ඇති බවයි ශ්‍රී ලංකා ක්‍රිකට් ආයතනය සඳහන් කළේ.
තරගාවලියට එක්වන ශ්‍රී ලංකා කණ්ඩායම හෙට දකුණු අප්‍රිකාව බලා පිටත්ව යාමට නියමිතයි.
19න් පහළ ලෝක කුසලාන ක්‍රිකට් තරගාවලියේ පළමු තරගය ලබන 19 වනදා පැවැත්වෙන්නේ අයර්ලන්තය සහ ඇමරිකා එක්සත් ජනපද කණ්ඩායම් අතරයි.
මෙම තරගාවලියේ ශ්‍රී ලංකාව සහභාගී වන පළමු තරගය ලබන 21 වනදා සිම්බාබ්වේ කණ්ඩායම සමග පැවැත්වීමට සැලසුම් කර තිබෙනවා.
මේ අතර 19න් පහළ ලෝක කුසලාන තරගාවලිය පැවැත්වීම මගින් මෙරටට ලැබීමට තිබූ ඩොලර් මිලියන 30කට වැඩි ආදායමක් අහිමි කිරිමට හිටපු දේශපාලනඥයෙක් කටයුතු කර ඇති බව ශ්‍රී ලංකා ක්‍රිකට් ආයතනයේ සභාපති ශම්මි ද සිල්වා මහතා චෝදනා කරනවා.
ඔහු මෙම අදහස් පළ කළේ ශ්‍රී ලංකා ක්‍රිකට් ආයතනයේ ඊයේ පැවති වැඩසටහනකට එක්වෙමින්.
