අපරාධකරුවන් සහ මත්ද්රව්ය ජාවාරම්කරුවන් අත්අඩංගුවට ගැනීමේ අරමුණින් සිදු කරනු ලබන යුක්තිය මෙහෙයුම පිළිබඳ ශ්රී ලංකාවේ ඇමරිකා තානාපති ජුලි චන්ග්ගේ අවධානය යොමුවී තිබෙනවා.
ට්විටර් සටහනක් තබමින් ඇය සඳහන් කළේ මෙම මෙහෙයුම සම්බන්ධයෙන් පසුගියදා ශ්රී ලංකා මානව හිමිකම් කොමිසම නිකුත් කළ නිවේදනය සම්බන්ධයෙන් අමරිකා එක්සත් ජනපදයේ අවධානයට ලක්වී ඇති බවයි.
මත්ද්රව්ය ජාවාරමට එරෙහිව කටයුතු කිරීම අත්යවශ්ය කරුණක් වන බවයි තානාපතිනිය නිකුත් කළ ට්විටර් සටහනේ දැක්වෙන්නේ.
මෙහෙයුම්වලදී නීතිය ක්රියාත්මක කිරීම, නීතියේ ආධිපත්යයේ සහ නියමිත ක්රියාවලියේ මූලධර්ම ආරක්ෂා කිරීම ද ඉතා වැදගත් වන බව ඇය ප්රකාශ කර තිබෙනවා.
යුක්තිය සහ මහජන විශ්වාසය පවත්වා ගැනීම සඳහා මෙම සමතුලිතතාවය ඇති කිරීම ඉතා වැදගත් බවයි ඇය පෙන්වා දෙන්නේ.
පසුගියදා ශ්රී ලංකා මානව හිමිකම් කොමිසම නිවේදනයක් නිකුත් කරමින් සඳහන් කළේ යුක්තිය මෙහෙයුම අතර වධ හිංසා සිදුවීම්, අමානුෂීය හෝ අවමන් සහගත සැලකීම්, අත්තනෝමතික ලෙසට අත්අඩංගුවට ගැනීම් සහ රඳවා ගැනීම් වැනි මූලික අයිතිවාසිකම් උල්ලංඝණය වීම් සිදුවී ඇති බවට පැමිණිලි රැසක් කොමිසමට ලැබී ඇති බවයි.
ශ්රී ලංකා නීතිඥ සංගමය ද පෙන්වාදුන් ආකාරයට මෙම මෙහෙයුම දිවයිනේ විවිධ ප්රදේශවල අයුක්තියට ලක්වීම් පිළිබඳ සිදුවීම්වල මාතෘකාවක් බවට පත්ව ඇති අතර එමගින් මෙහෙයුමේ නාමය වන යුක්තිය යන වදනද වැරදි ලෙසට භාවිත වන්නක් බවට පත්ව ඇති බවයි මානව හිමිකම් කොමිසම සඳහන් කළේ.
මේ සම්බන්ධයෙන් ශ්රී ලංකා මානව හිමිකම් කොමිසම නිකුත් කළ නිවේදනය පහතින්.
