ජනප්‍රිය ගායන ශිල්පී චාමර වීරසිංහ මහතා මේ වන විටත් වෙද්‍ය ප්‍රතිකාර ලබමින් සිටින අතර, ඉදිරියේදී ඔහුගේ අසනීප තත්වය සම්බන්ධයෙන් රසිකයින් දැනුවත් කරන්නට බලපොරොත්තුවෙන් සිටින බව චාමර වීරසිංහ මහතාගේ පවුලේ ඥාතීන් පවසනවා.
ජනප්‍රිය ගායන ශිල්පී චාමර වීරසිංහ දකුණු කොළඹ ශික්ෂණ රෝහලට ඇතුළත් කෙරුණේ පසුගිය 17 වැනිදායි.
පසුව චාමර වීරසිංහ මහතා එම රෝහලේ දැඩි සත්කාර ඒකකය වෙත පසුගිය 20 වැනිදා යොමු කෙරුණා.
රෝහලේ දැඩි සත්කාර ඒකකයේ ප්‍රතිකාර ලබන ගායන ශිල්පී ,චාමර වීරසිංහ මහතා වෙනුවෙන් සෙත් පතා ඊයේ බෙල්ලන්විල රජමහා විහාරයේදී බෝධි පූජාමය පින්කමක් පැවැත් වුණේ ඔහුගේ පවුලේ ඥාතීන්,කලාකරුවන් සහ රසිකයින්ගේ සහභාගීත්වයෙන්.
මේ අතර කළුබෝවිල ශික්ෂණ රෝහලේ අධ්යක්ෂවරිය සඳහන් කර ඇත්තේ දැඩි සත්කාර ඒකකයේ ප්‍රතිකාර ලබමින් සිටින චාමර වීරසිංහට තවත් කෙටි කලක් එම රෝහලේ ප්‍රතිකාර ගැනීමට සිදුවනු ඇති බවයි.
ඔහුට මේ වන විට නියුමෝනියා රෝගී තත්ත්වය පවතින අතර ඔහුට තවත් පරීක්ෂණ කිහිපයක් සිදුකර ඇති බවත් අධ්යක්ෂවරිය සඳහන් කළා.
ඔහු තවදුරටත් වෛද්‍ය අධීක්ෂණය යටතේ ප්‍රතිකාර ලැබිය යුතු බැවින් ටික කලක් රෝහල්ගතව සිටින්නට සිදුවනු ඇති බවයි ඇය කියා සිටියායේ.
