ඕස්ට්රේලියාව සහ ඉන්දියාව අතර තරග පහකින් සමන්විත විස්සයි විස්ස තරගාවලියේ සිව්වන තරගය අද (01) රායිපූර් හිදී පැවැත්වීමට නියමිතයි.
මෙම තරගය එරට වේලාවෙන් පස්වරු 7.00ට ආරම්භ කිරීමටයි සැලසුම් කර ඇත්තේ.
මේ අතර මෙම තරගය පැවැත්වෙන රායිපූර් හි ෂහීඩ් වීර් නාරායන් සිං ජාත්යන්තර ක්රීඩාංගණයේ විදුලි සැපයුම අත්හිටුවීමට ඉන්දීය විදුලි බලධාරීන් කටයුතු කර තිබෙනවා.
ක්රීඩාංගණයේගේ ඉන්දීය රුපියල් කෝටි 3.16ක හිඟ විදුලි බිල නොගෙවීම හේතුවෙන් මෙලෙස විදුලි සැපයුම අත්හිටුවීමට කටයුතු කර ඇති බවයි ඉන්දීය මාධ්ය වාර්තා කළේ.
චට්ටිස්ගාර් ප්රාන්ත ක්රිකට් සංගමයේ ඉල්ලීම පරිදි තාවකාලික විදුලි සම්බන්ධතාවයක් ස්ථාපනය කර ඇති අතර, එය ආවරණය වන්නේ ප්රේක්ෂකාගාරය පමණක් බවයි වාර්තා වුණේ.
මේ අතර රායිපූර් විදුලි බලධාරීන් සඳහන් කළේ ක්රිකට් ක්රීඩාංගණයේ තාවකාලික සම්බන්ධතාවයේ ධාරිතාවය වැඩි කිරීමට ක්රිකට් සංගමය ඉල්ලුම් කර ඇති බවයි.
දැනට තාවකාලික සම්බන්ධතාවයේ ධාරිතාව කිලෝවොට් 200ක් වන අතර එය කිලෝවොට් 1000ක් දක්වා වැඩි කිරීමට මෙලෙස ඉල්ලුම් කර ඇති බවයි එම බන්ධාරින් වැඩිදුරටත් සඳහන් කළේ.
කෙසේ වෙතත් තවමත් එහි වැඩ ආරම්භ කර නොමැති බවයි වාර්තා වන්නේ.
මේ අතර 2018 වසරේදී ද මෙම ක්රීඩාංගණයේ විදුලිය විසන්ධි කර ඇති අතර, ඉන් පසු මේ දක්වා මෙම ක්රීඩාංගණයේ පවත්වා ඇත්තේ ජාත්යන්තර ක්රිකට් තරග තුනක් පමණයි.
