එක්සත් ජාතීන්ගේ දේශගුණික විපර්යාස පිළිබඳ සමුළුව හෙවත් කෝප් 28 සමුළුව අද ඩුබායි රාජ්යයේදී ආරම්භ වුණා.
සමුළුවට සහභාගී වීම සඳහා ජනාධිපති රනිල් වික්රමසිංහ මහතා ප්රමුඛ ධූත පිරිස දිවයිනෙන් පිටත්ව ගියේ අද පෙරවරුවේයි.
දෙසැම්බර් 12 වැනිදා දක්වා පැවැත්වෙන සමුළුවේදී ජනාධිපති රනිල් වික්රමසිංහ මහතා විසින් විශේෂ යෝජනා තුනක් ඉදිරිපත් කිරීමටද නියමිතයි.
එක්සත් ජාතීන්ගේ දේශගුණික විපර්යාස පිළිබඳ සමුළුව රාජ්ය නායකයන්, රාජ්ය – පෞද්ගලික අංශ නියෝජිතයන්, පරිසරවේදීන් සහ විද්වතුන්ගේ සහභාගීත්වයෙන් අද සිට ආරම්භ වන්නේ ඩුබායි හි එක්ස්පෝ නගරයේදීයී.
ශ්රී ලංකාව නියෝජනය කරමින් විදේශ ඇමති, විදුලිබල හා බලශක්ති ඇමති කංචන විජේසේකර, පරිසර අමාත්ය කෙහෙළිය රඹුක්වැල්ල, පාර්ලිමේන්තු මන්ත්රී පාඨලි චම්පික රණවක, අජිත් මාන්නප්පෙරුම, පරිසර අමාත්යාංශයේ ලේකම් වෛද්ය අනිල් ජාසිංහ, දේශගුණික විපර්යාස පිළිබඳ ජනාධිපති උපදේශක රුවන් විජයවර්ධන, ජනාධිපති විදේශ කටයුතු අධ්යක්ෂ දිනුක් කොළඹගේ ඇතුළු 15 ක පමණ දූත පිරිසක් මෙම සමුළුවට සහභාගී වනවා.
රාජ්ය නොවන සංවිධානවල අනුග්රාහකත්වය යටතේ තරුණ තරුණියන් 20 ක් සමුළුවට සහභාගී වී තිබෙනවා.
“කොප් 28” සමුළුව වෙනුවෙන් විශේෂ යෝජනා තුනක් ඉදිරිපත් කිරීමට ජනාධිපති රනිල් වික්රමසිංහ මහතා තීරණය කර තිබෙනවා.
ඉන් ප්රධානතම යෝජනාව වනුයේ දේශගුණික විපර්යාස විශ්ව විද්යාලයක් මෙරට ඇති කිරීමයි.
ඊට අමතරව දියුණු රටවල ක්රියාකාරකම් හේතුවෙන් අපහසුතාවයට පත්වන තුන්වන ලෝකයේ රටවල් වෙනුවෙන් දේශගුණික යුක්ති සංසදයක් පිහිටුවීම හා නිවර්තන වැසි වනාන්තර වෙනුවෙන් සංසදයක් පිහිටුවීමේ යෝජනා ජනාධිපති රනිල් වික්රමසිංහ මහතා විසින් සමුළුව වෙත ඉදිරිපත් කිරීමට නියමිතයි.
